Тыа сирин сайдыытыгар 10-ча миллиард көрүллэр диэн буолар. «Сайдыытыгар» диэн тылы «төттөрү түһүү» диэн ааттыахха сөп быһыылаах. Төһөнөн элбэх харчы көрүллэр да, түмүгэ киһини уолутар. Ол курдук бэҕэһээ муниципальнай тэриллиилэр уонна куорат уокуруктарын баһылыктарын түмэн правительство чилиэттэрэ мунньахтаатылар. Онно киирии тылга вице-премьер А.Стручков ынах-сүөһү Аммаҕа 5%, Сунтаарга 6%, Бүлүүгэ 9%, Ньурбаҕа 11%, Кэбээйигэ 13%, Өлүөхүмэҕэ 14%, Уус Алдаҥҥа 21% аҕыйаабытын иһитиннэрдэ.
Үлэтэ суох хаалбыт дьон ахсаана былырыыҥҥы олунньутааҕар 11% үрдээбит. Бу өссө официальнай үлэтэ суох ахсаана, дьиҥэ төһөтө-хаччата биллибэт. Статистиктар официальнай сыыппараны кырата уон төгүл улаатыннардахха дьиҥнээх хартыына тахсар диэн этэллэр.
Итини таһынан Зоя Федорова – СӨ президенин иһинэн үлэлиир Сүрүн хонтуруоллуур управление үлэһитэ баһылыктары кэриэтиир бэрт элбэх сыыппараны аҕалла. Улуустар, куораттар 2 млрд 400 мөл. солкуобай «итэҕэстэммиттэр». Бюджет үлүгэрдээх харчыта туһата суох буруо буолан күдэҥҥэ көппүт. Ордук алданнар Аллараа Кураанахтара, нерюнгрилар, Үөһээ Халымалар харчыны ыскайдаабыттар. Суолтата суох элбэх командировканы сэргэ, отчуот-докумуон кумааҕыта сыыһа толорулларын бэлиэтээтилэр. Докумуону кытары халы-мааргы үлэлииртэн, бэл, «Олорор дьиэ» программаҕа, «Эдэр ыаллары дьиэлиир туһунан» киллэһик программаҕа көрүллүбүт үбү кыайан туһамматахтар. «Туһамматахтар» – ол аата дьон олорор усулуобуйата тупсарыллыбатах. Нэһилиэнньэҕэ маннык программа баар, маннык докумуоннар ирдэнэллэр диэн кэпсээбэтэхтэр, сырдаппатахтар.
Баһылыктар мунньахтарын кэнниттэн наар биир санааҕэ кэлэн кэтиллэҕин – олохтоох дьаһалталар юридическай, экономическэй өттүнэн билиилэрэ букатын быстар мөлтөх диэн. Сыллата МТ үлэһиттэрин «таһымнарын үрдэтиигэ» (эмиэ бюджет суотугар) араас семинардар, үөрэхтэр, куурустар ыытыллаллар аҕай. Бу үөрэхтэргэ кэлбит МТ үлэһиттэрэ билиилэрин хаҥатыммакка маҕаһыын кэрийэн, аралдьыйан-саатаан тахсаллар дуо? Эбэтэр куурустарбыт итинник көдьүүһэ суох үлэлииллэрэ дуу? Сылын аайы биир түмүгү оҥорор сылаалаах даҕаны…
Комментарии
Сообщение:
Отправить Отмена
-
10.177.56.8925.03.11 21:29 Автор: Уйбаан
-
10.177.88.1126.03.11 14:56 Автор: Петр
-
213.129.33.20126.03.11 19:10 Автор: т
↑ наверхСаха тойотторо-хотуттара норуотун туhугар улэтэ-сырыыта костубэт. Устан хаалбыттар, бэлэм эппиэттээхтэр уп суох, коруллубэт диэн айахтара кытара олорор. Саха тыатагар ордук хотугу улуустар буорайан олороллор, олох-дьаhах, дьон санаата туhуутун корорго ыар, ыччат сиэр-майгыта таннары саккырыы турар. Коммерсаннар арыгынан эрэ дьарыктаналлар, туох да хонтуруол суох. Минсельхоз, Правительство тыа дьонугар анаан улэлээх буолуутугар олох да наадыйбат, тарбанан да корботтор, аhыы-сии айбардыы, норуот бутэhик сумэhинин суптуу уулуу ньамахтана олороллор. Норуотун туhугар дьин ыалдьар киhи отой суох уоhээ тойотторго. уойа-уойа, килэйэн-халыйан сырайдара телевизорга баппат буолбут, маааны, сыалаах аhыыллара коруннэригэр баар, хаhа ууннэрэн баран кириэhэни иэрийэ олордохторо.
Дьин кырдьыгы этэ5ин табаарыс!!!
минсельхоз мин-рэ охлопко в уус алдан дии правительство5а эмиэ элбэхпит дэсэллэр чурапчылар кэннилэртэн этэ ол исин суэсулэрин эспиттэр бысылаах