Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

«Тойон Хотуур-2010»: от күүлэйэ буолан ааста

От ыйын 23-24 күннэригэр Чурапчы улууһун Алаҕар нэһилиэгэр иккис сылын ыытыллар «Тойон Хотуур-2010» диэн от күүлэйэ буолан ааста. Былырыын маҥнайгы күрэҕи «Ситим» медиа-бөлөх, НКИК «Саха» уонна Ыччат министиэристибэтэ үбүлээн, өйөөн Мэҥэ-Хаҥалас сиригэр ыыппыттара. Күүстээх, тыҥааһынныых киирсии кэннэ дойдулаахтар - Алтан нэһилиэгин хамаандата - кыайыыны ситиһэн сүрүн бириис – пилорама хаһаайыннара буолбуттара.

Быйылгы күүлэй бириистэрэ былырыыҥҥыттан хаалсыбаттар, бастакы миэстэҕэ – «Кедр 2» пилорама, иккис миэстэҕэ – «Цинтай» тыраахтар, үһүскэ маһы таҥастыыр устонуок. Балаһыанньата Кыттар нэһилиэк баһылыга 35 сааһыттан эдэр буолуохтаах; хамаандаҕа үс киһи – икки эр киһи уонна биир дьахтар; охсор сирдэрэ, эр дьоҥҥо 40 суотай сир, дьахталларга – 15 суотай. Иккис күнүгэр, ол эбэтэр субуотаҕа, саа тыаһаатын кэннэ, хамаандалар хотуурдарын өрө туппутунан күүлэйи саҕалаатылар. Уопсайа 6 улуустан 9 хамаанда кэлбит. Тэрийэр нэһилиэк икки хамаанданы туруоруохтаах. Саамай ыраахтан Ньурба Дьиикимдэтэ отчуттарын ыыппыт, сүбэлээччилэрэ уонна күрэх саамай кырдьаҕас кыттааччыта (72 саастаах) Николай Аммосович Алексеев кэпсээбитинэн: - Ньурбаттан 20 чаас айаннаан сэрэдэҕэ куоракка айаннаан кэлбиппит, сынньанан, тыын ылынан баран, эбэбитин туоран Чурапчы сиригэр кэлэн турабыт. Былырыын кыттан иккистээн хаалбыппыт, ол иһин быйыл өссө үчүгэйдик бэлэмнэнэн быйыл кыайар былааннаах кэллибит. Күүлэй саҕаламмыта баара-суоҕа чаастан эрэ ордубутун кэннэ, маҥнайгы кыайыы хаһыыта иһилиннэ, бу Амма хамаандатын кыыһа сирин баар-суоҕа 1 чаас 16 мүнүүтэнэн бүтэрбит этэ. Онтон өр буолбакка аны Дьиикимдэ хамаандатын уола 1 чаас 36 мүнүүтэнэн бүтэрэн элбэх киһини соһутта. Ньурба хоһууна Николай Васильев маннык курдук санаатынан үллэһиннэ: - Былырыыҥҥы күрэххэ олох кыранан, 5 сөкүүндэнэн хотторон иккис миэстэ буолбутум, быйыл өссө күүскэ бэлэмнэнэн кэлбитим. От манна быдан сымнаҕас буолан биэрдэ, бу охсорго олус табыгастаах, былырыыҥҥы олох да лаҥха этэ. Уопсайынан от охсуутугар киһиттэн эрэ буолбакка хотууруттан эмиэ элбэх тутулуктаах, көрдөххө боростуой курдук даҕаны, оҥоруутугар суот бөҕөтө туттуллар. Бу илиибэр тутан турар хотуурбун аҕам оҥорон биэрбитэ, уопсайа сүүсчэттэн бу биири талан ылан ханна баҕар илдьэ сылдьабын, улуус күүлэйигэр эмиэ бастаабытым. Хамаандалар күрэхтэрин кэннэ, аны наставниктар уонна баһылыктар күрэхтэрэ буолла. Манна 5 суотай сири быһан биэрдилэр. Уолаттар оту өр гымматылар, күүлэй сүрүн өттө бүтэн, ким хайаспытын быһаарсар бэриэмэ тиийэн кэллэ, дьүүллүүр хамыыһыйа үлэтэ саҕаланна. Хамаанданан кыайыы 1 миэстэ – Мэҥэ-Хаҥалас улууһун Алтан нэһилиэгэ. «Ситим» медиа-бөлөх туруорбут сүрүн бирииһэ (ген. дириэктэр М.Н. Христофорова) уонна ХЭТ «Табыл» (ген. дириэктэр - Н.И. Акимов) – «Кедр 2» пилорама. 2 миэстэ – Чурапчы улууһун Алаҕар нэһилиэгин иккис хамаандата. Эдэр ыччат министиэристибэтиттэн Xingtai тыраахтар. 3 миэстэ – Ньурба улууһун Дьиикимдэ нэһилиэгэ. Маһы таҥастыыр устонуок. Эр дьоҥҥо кыайбыттар (Бириистэри «Ситим» медиа-бөлөх туруорда) 1 миэстэ – Николай Васильев (Ньурба улууһа) – сыбааркалыыр аппарат 2 миэстэ – Иван Андреев (Ньурба улууһа) – уу хачайдыыр аппарат 3 миэстэ – Гаврил Васильев (Амма улууһа) – кыһыҥҥы балаакка Кыргыттарга кыайбыттар (Бириистэри НКИК «Саха» туруорда) 1 миэстэ – Варвара Васильева (Амма улууһа) 2 миэстэ – Надежда Барабанова (Алтан нэһилиэгэ, Мэҥэ-Хаҥалас) 3 миэстэ – Марианна Алексеева (Ньурба улууһа) Киэҥ хоннохтоох охсооччу Алексей Сорокоумов (Алаҕар нэһилиэгэ, Чурапчы улууһа) Ыраас суоллаах охсооччу Ольга Григорьева (Дириҥ нэһилиэгэ, Чурапчы улууһа) Бастыҥ наставник Алексеев Николай Аммосович (Ньурба улууһа) Саамай эдэр охсооччу 18 саастаах Петр Горохов (Тиит Арыы, Уус Алдан улууһа) Нэһилиэк баһылыктарыттан бастыҥ охсооччунан Мэҥэ-Хаҥалас Өлөчөйүн салайааччы Дмитрий Тихонов буолла (бирииһи М.С. Шеломов сыдьааннара туруордулар) Наставниктарга кыайбыттар 1 миэстэ – Гоголев Гаврил (Алаҕар нэһилиэгэ, Чурапчы улууһа) 2 миэстэ – Васильев Прокопий (Чыпчылҕан нэһилиэгэ, Амма улууһа) 3 миэстэ – Гаврильев Алексей (Алтан нэһилиэгэ, Мэҥэ-Хаҥалас улууһа). Николай Кычкин

kyym.sakha.ru
27.07.2010 08:08 | оригинал статьи | просмотров: 25777

31.03.11
Гражданнар былаас органнарыгар туһаайан этиилэрин көрүү бэрээдэгэр уларытыылар киириэхтэрэ
31.03.11
Балыксыттарга субсидия көрүллэр
31.03.11
Кытай тыйыс бириигэбэрэ 1
30.03.11
Эфиргэ Галина Данчикова
30.03.11
Муома улууһа «национальнай эбээн оройуона» статустаныан сөп
30.03.11
Чунуобунньук уонна тыа киһитэ: уопсай тыл хаһан көстүөй? 1
30.03.11
«Хаар айан-2011» күрэх кыайыылаахтара
29.03.11
Мииринэйгэ аҕалар күрэхтэһэллэр
29.03.11
Массыанньыктар утуйбаттар…
29.03.11
Чурапчыга саҥа стадион тутуллар
29.03.11
Өтөрүнэн буолбатах сылаас күн буолан ааспыт
28.03.11
Үрдүк таһымҥа тахсан иһиэхпит
28.03.11
Психологтар семинардара буолар
25.03.11
Сөмөлүөт Ижматтан көттө
25.03.11
Брейн-рингэ кыайыылаахтарыгар -- суотабай төлөппүөн
25.03.11
Дьокуускайга Байанай күннэрэ
25.03.11
Саамай элбэх сүөһүну уус алданнар эспиттэр… 3
24.03.11
Сааскы халаан уута чугаһыыр 1
24.03.11
Киин куорат суолун өрөмүөнүгэр үтүмэн үп көрүллүбүт
24.03.11
Дьон 1-2 хостоох квартираны ордорор эбит
24.03.11
Дьокуускай куорат уонна Горнай улууһа Сөбүлэһии түһэристилэр
23.03.11
Хомуспутун – Аан дойгуга дорҕоонноохтук, киэн тутта, дьоһуннаахтык 2
23.03.11
Наадалаах боппуруостар – туһалаах эппиэттэр
23.03.11
ХИФУ аһаҕас аан күннэрин ыытар
23.03.11
Бу өрөбүлгэ бириэмэбит уларыйар
22.03.11
Халаан уутугар бэлэмнэнии үлэ барар
22.03.11
Килиэп сыаната үрдүүр 7
22.03.11
Олох-дьаһах өҥөтүгэр үлэ миэстэтэ!
22.03.11
Психологтар семинардара
21.03.11
"Сахазернопродукт" — бастакы хараҥаччы
21.03.11
Иэстээх дьону дьиэлэриттэн таһаараллар 6
21.03.11
Дьокуускайга Горнай улууһун күннэрэ 1
21.03.11
Хомус туһунан саҥалыы, атыннык
18.03.11
Сүүйсүүлээх оонньуулары тэрийии иһин алта сыл хаайыы 1
18.03.11
Күндээдэ үлэһиттэригэр хамнастарын төлөөбөтөхтөр
18.03.11
Радиация Саха сиригэр кэлиэн сөп дуо? 9
18.03.11
Гааһы холботууга биир кэмнээх көмө
17.03.11
Эдэр ыччакка аналлаах үлэ дьаарбаҥката ыытыллар 1
17.03.11
Дьокуускайга Өймөкөөн улууһун күннэрэ
17.03.11
Оҕо доруобуйата тупсарын туhугар 1
Яндекс.Метрика