Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

«Тойон Хотуур-2010»: от күүлэйэ буолан ааста

От ыйын 23-24 күннэригэр Чурапчы улууһун Алаҕар нэһилиэгэр иккис сылын ыытыллар «Тойон Хотуур-2010» диэн от күүлэйэ буолан ааста. Былырыын маҥнайгы күрэҕи «Ситим» медиа-бөлөх, НКИК «Саха» уонна Ыччат министиэристибэтэ үбүлээн, өйөөн Мэҥэ-Хаҥалас сиригэр ыыппыттара. Күүстээх, тыҥааһынныых киирсии кэннэ дойдулаахтар - Алтан нэһилиэгин хамаандата - кыайыыны ситиһэн сүрүн бириис – пилорама хаһаайыннара буолбуттара.

Быйылгы күүлэй бириистэрэ былырыыҥҥыттан хаалсыбаттар, бастакы миэстэҕэ – «Кедр 2» пилорама, иккис миэстэҕэ – «Цинтай» тыраахтар, үһүскэ маһы таҥастыыр устонуок. Балаһыанньата Кыттар нэһилиэк баһылыга 35 сааһыттан эдэр буолуохтаах; хамаандаҕа үс киһи – икки эр киһи уонна биир дьахтар; охсор сирдэрэ, эр дьоҥҥо 40 суотай сир, дьахталларга – 15 суотай. Иккис күнүгэр, ол эбэтэр субуотаҕа, саа тыаһаатын кэннэ, хамаандалар хотуурдарын өрө туппутунан күүлэйи саҕалаатылар. Уопсайа 6 улуустан 9 хамаанда кэлбит. Тэрийэр нэһилиэк икки хамаанданы туруоруохтаах. Саамай ыраахтан Ньурба Дьиикимдэтэ отчуттарын ыыппыт, сүбэлээччилэрэ уонна күрэх саамай кырдьаҕас кыттааччыта (72 саастаах) Николай Аммосович Алексеев кэпсээбитинэн: - Ньурбаттан 20 чаас айаннаан сэрэдэҕэ куоракка айаннаан кэлбиппит, сынньанан, тыын ылынан баран, эбэбитин туоран Чурапчы сиригэр кэлэн турабыт. Былырыын кыттан иккистээн хаалбыппыт, ол иһин быйыл өссө үчүгэйдик бэлэмнэнэн быйыл кыайар былааннаах кэллибит. Күүлэй саҕаламмыта баара-суоҕа чаастан эрэ ордубутун кэннэ, маҥнайгы кыайыы хаһыыта иһилиннэ, бу Амма хамаандатын кыыһа сирин баар-суоҕа 1 чаас 16 мүнүүтэнэн бүтэрбит этэ. Онтон өр буолбакка аны Дьиикимдэ хамаандатын уола 1 чаас 36 мүнүүтэнэн бүтэрэн элбэх киһини соһутта. Ньурба хоһууна Николай Васильев маннык курдук санаатынан үллэһиннэ: - Былырыыҥҥы күрэххэ олох кыранан, 5 сөкүүндэнэн хотторон иккис миэстэ буолбутум, быйыл өссө күүскэ бэлэмнэнэн кэлбитим. От манна быдан сымнаҕас буолан биэрдэ, бу охсорго олус табыгастаах, былырыыҥҥы олох да лаҥха этэ. Уопсайынан от охсуутугар киһиттэн эрэ буолбакка хотууруттан эмиэ элбэх тутулуктаах, көрдөххө боростуой курдук даҕаны, оҥоруутугар суот бөҕөтө туттуллар. Бу илиибэр тутан турар хотуурбун аҕам оҥорон биэрбитэ, уопсайа сүүсчэттэн бу биири талан ылан ханна баҕар илдьэ сылдьабын, улуус күүлэйигэр эмиэ бастаабытым. Хамаандалар күрэхтэрин кэннэ, аны наставниктар уонна баһылыктар күрэхтэрэ буолла. Манна 5 суотай сири быһан биэрдилэр. Уолаттар оту өр гымматылар, күүлэй сүрүн өттө бүтэн, ким хайаспытын быһаарсар бэриэмэ тиийэн кэллэ, дьүүллүүр хамыыһыйа үлэтэ саҕаланна. Хамаанданан кыайыы 1 миэстэ – Мэҥэ-Хаҥалас улууһун Алтан нэһилиэгэ. «Ситим» медиа-бөлөх туруорбут сүрүн бирииһэ (ген. дириэктэр М.Н. Христофорова) уонна ХЭТ «Табыл» (ген. дириэктэр - Н.И. Акимов) – «Кедр 2» пилорама. 2 миэстэ – Чурапчы улууһун Алаҕар нэһилиэгин иккис хамаандата. Эдэр ыччат министиэристибэтиттэн Xingtai тыраахтар. 3 миэстэ – Ньурба улууһун Дьиикимдэ нэһилиэгэ. Маһы таҥастыыр устонуок. Эр дьоҥҥо кыайбыттар (Бириистэри «Ситим» медиа-бөлөх туруорда) 1 миэстэ – Николай Васильев (Ньурба улууһа) – сыбааркалыыр аппарат 2 миэстэ – Иван Андреев (Ньурба улууһа) – уу хачайдыыр аппарат 3 миэстэ – Гаврил Васильев (Амма улууһа) – кыһыҥҥы балаакка Кыргыттарга кыайбыттар (Бириистэри НКИК «Саха» туруорда) 1 миэстэ – Варвара Васильева (Амма улууһа) 2 миэстэ – Надежда Барабанова (Алтан нэһилиэгэ, Мэҥэ-Хаҥалас) 3 миэстэ – Марианна Алексеева (Ньурба улууһа) Киэҥ хоннохтоох охсооччу Алексей Сорокоумов (Алаҕар нэһилиэгэ, Чурапчы улууһа) Ыраас суоллаах охсооччу Ольга Григорьева (Дириҥ нэһилиэгэ, Чурапчы улууһа) Бастыҥ наставник Алексеев Николай Аммосович (Ньурба улууһа) Саамай эдэр охсооччу 18 саастаах Петр Горохов (Тиит Арыы, Уус Алдан улууһа) Нэһилиэк баһылыктарыттан бастыҥ охсооччунан Мэҥэ-Хаҥалас Өлөчөйүн салайааччы Дмитрий Тихонов буолла (бирииһи М.С. Шеломов сыдьааннара туруордулар) Наставниктарга кыайбыттар 1 миэстэ – Гоголев Гаврил (Алаҕар нэһилиэгэ, Чурапчы улууһа) 2 миэстэ – Васильев Прокопий (Чыпчылҕан нэһилиэгэ, Амма улууһа) 3 миэстэ – Гаврильев Алексей (Алтан нэһилиэгэ, Мэҥэ-Хаҥалас улууһа). Николай Кычкин

kyym.sakha.ru
27.07.2010 08:08 | оригинал статьи | просмотров: 25777

17.08.10
Хаҥалас спортсмена саамай ырааҕы ыстанна
17.08.10
Үөһээ Бүлүүлэр истэринэн моһуогурбуттар 1
17.08.10
Бэтэрээннэр дьиэ атыылаһалларыгар социальнай төлөбүр ыллылар
16.08.10
Намнар окко бастаан иһэллэр
16.08.10
Күһүн саҥа Боинг баар буолуо 1
16.08.10
Өлүөхүмэҕэ күөн көрсүһүү саҕаланна!
13.08.10
Күнүүлээн көтүрү барбыт 5
13.08.10
270 тэрилтэ 1,8 тыһыынча киһини үлэтиттэн уураппыт
13.08.10
Галина Данчикова Москваҕа командировкаҕа сылдьар 5
13.08.10
Сир аһа ырыынакка атыыланар 1
12.08.10
Булт саҥа сезона аһылынна
12.08.10
Хотугу Кавказка ОМОН этэрээтэ барда
12.08.10
Хорҕолдьун хостооһун сөргүйэр чинчилээх
12.08.10
Бүлүүлүүр аартык хаһан үлэҕэ киирэр?
11.08.10
Губернатордар сүбэлэрэ
11.08.10
280 млрд – медицинэ сайдарыгар
11.08.10
Горнай уонна Мэҥэ-Хаҥалас улуустарыгар уот барбыт
11.08.10
Пенсионнай салаа үлэһиттэрэ кырдьаҕастарга көмөлөстүлэр
11.08.10
Ньурбаҕа от үлэтин тэтимэ
10.08.10
Саҥа тойон ананна
10.08.10
Куорат ортотугар олорор дьиэ истиэнэтэ суулунна
10.08.10
Күрэхтэһии уота Өлүөхүмэҕэ кэллэ
10.08.10
Ойуур умайар, оттон лесхоз тойоно уоппускаҕа сынньана сытар…
10.08.10
Буруо да туһалаах эбит
09.08.10
Аҕа баһылык социальнай сулууспалар үлэлэрин кириитикэлээтэ 1
09.08.10
Куорат олохтооҕо кырыктаах 1
09.08.10
Бүлүүгэ от күрэҕэ буолан ааста
09.08.10
Сүүйсүүлээх оонньууну тэрийбитэ билиннэ
06.08.10
Индус "Аэрофлот" авиахампаанньатын ыстарааптаппыт 4
06.08.10
Үтүөлээх учуутал дьиэтигэр героин кистээбит 1
06.08.10
Тутааччы күнэ
06.08.10
Суолга сэрэхтээх буолуҥ 2
05.08.10
Отчуттары ардах атахтаата
05.08.10
Суол быраабылатыгар саҥа сокуон олоххо киирэр 4
05.08.10
Бүгүн эстафета Мииринэйтэн хоҥунна
05.08.10
Былаастан туох дьаһал киирэрин кэтэһэн таах олорбуттар
04.08.10
Амма – ыччат таптыыр сирэ 1
04.08.10
Болҕойуҥ: ийэ хапытаалынан туһаныы чэпчээтэ
04.08.10
Аар-саарга аатырбыт «АЙАРХААН» айана
04.08.10
ЗАБОЛЕВ эрэннэриитэ эмиэ туолбата, эбэтэр куорат баанньыгын бэрэсидьиэн быһаарар дуо? 2
Яндекс.Метрика