Бүгүн, оҕоҕо-оҕонньорго тиийэ суотабай төлөппүөннээхпит. Урут, маннык мала суох хайдах олорбупут диэх айылаахпыт. Ол эрээри, туох барыта үчүгэйдээх да, куһаҕаннаах да.
Аныгы кэм Остап Бендердэрэ булугастарынан, тобуллаҕастарынан аныгы технологияны кытары күрэстэһэллэр.
Суотабайа массынньыктары утары «МегаФон» хампаанньа күүстээх үлэни тэрийэр. Бу хампаанньа Саха сиринээҕи салаата «Мобильнай масыанньыктар. Хайдах көмүскэниэххэ?» диэн ааттаах, бэрт сэргэх Төгүрүк остуолу тэрийдэ.
«МегаФон» Саха сиринээҕи салаатын дириэктэрэ Андрей Гамянин: «Масыанньыктары тутаттыыр, ирдиир үлэ -- суотабай хампаанньа үлэтэ буолбатаҕын да үрдүнэн, абоненнарбытын көмүскүөхтээхпит. «МегаФоннар» быраабы араҥаччылыыр уорган үлэһиттэригэр көмө-тирэх буолабыт»- диэтэ. СР Ис Дьыалаҕа министиэристибэтин информационнай технология эйгэтигэр буруйу оҥорууну утары үлэлиир отдел үлэһиттэрэ А.Терехов, Ю.Пластинин «хас да холуобунай дьыала сүүкка бэриллибитин» кэпсээтилэр. Холуонньаҕа олорор киһи суотабайынан баан үлэһитэ буолан кубулунан, 100-н тахса киһини албыннаабыт түбэлтэтин холобурдаатылар. Бу дьон оҕо курдук албыҥҥа киирэн үстүү тыһыынча харчыларын тиийэ ууран биэрээхтээбиттэр. Бу масыанньык – олохтоох киһи. Үгүс массыанньык атын регион дьоно. Ордүк Поволжье масыанньыктара Саха сирин дьонун сүгүн сырытыннарбаттар. Атын куорат масыанньыгыттан эмсэҕэлээтэххэ, кырдьыккын буларыҥ уустук.
Ис дьыала уорганнара атын регионнааҕы биир идэлээхтэрин кытта сибээстэһиэхтэрин наада. Уопсайынан, нэһилиэнньэ Роспотребнадзорга, Ис дьыала уорганнарыгар маассабайдык кэлэн сайабылыанньа биэрбэттэр. Тоҕо? Былаас уоргаттара аһара бюрократия илимигэр иҥнэн, бытааннык үлэлииллэр. Ол иһин.
Саха сирин табаары туһанааччыларынын быраабын көмүскүүр Общественнай Фонда салайааччыта Александр Иноземцев: «Олохпут тула барыта масынньыктар. ОДЬКХ буоллун, араас атыы-тутуу буоллун… Дьон үөрэнэн да хаалла. Бүгүн миигин балыйдылар, сарсын мин кими эмэ албынныам диэн санаа иитиэхтии сылдьар. Аны туран, дьон былаас уорганнарыгар үҥсэ барыан күнүн-дьылын сүтэриэн баҕарбата баар суол. Өйбүт-санаабыт уларыйыан наада», - диир.
«МегаФон» хампаанньа суотабай масыанньыктары утары үлэтин чэрчитинэн, оскуола оҕотугар «Мобильнай билии» диэн социальнай акциялаах. Маны таһынан, саастаах дьоҥҥо эмиэ сырдатар үлэни ыытар былааннаах. Анал сайт, массыанньык нүөмэрин блокировкалааһын, онтон да атын программалары киллэрэн абоненнары көмүскүүр үлэни тэрийэр. «МегаФоннар» бү кыһалҕаны кыайарга, СМИ күүһэ-кыаҕа кыттыстаҕына туох эмиэ түһа тахсыан сөп диир санаалаах.
Маннык хабааннаах аһаҕас кэпсэтиини, суотабай оператордартан бастакынан «МегаФон» тэрийдэ. «МегаФоннар» Төгүрүк остуолу тиһигин быспакка тэрийэр былааннаахтар. Аныгыс кэпсэтии тиэмэтэ эмиэ сытыы – иэстээх дьон боппуруостара.
Виктория Варламова,
«МегаФон» хампаанньа Саха сиринээҕи
салаатын общественноһы кытары үлэҕэ менеджерэ.
Комментарии
Сообщение:
Отправить Отмена