Сылын аайы үтүө үгэскэ олоҕуран ыытыллар СӨ «Ыччат социальнай уонна психологическай өйөбүлүн киинин» психологтарыгар аналлаах семинар быйыл кулун тутар 21 кунуттэн 25 кунугэр диэри ыытылынна. Семинарга дойду 13 филиалыттан барыта 60-ча испэсэлиис кэлэннэр, билиилэрин хаҥатан бардылар. Бэлиэтээн этэр буоллахха, СӨ Ыччат политикатын министиэристибэтин ыҥырыытынан быйылгы семинардары ыыта анаан-минээн Ярославль куораттан норуоттар икки ардыларынааҕы чөл туруктаах буолуу академиятын вице-президенэ, норуоттар икки ардыларынааҕы психологическай наука академиятын толорооччу дириэктэрэ Петр Губочкин уонна Москва куораттан Клиническай психология уонна психотерапия психотерапевтэ Дмитрий Шевченко кэлбиттэрэ.
СӨ «Ыччат социальнай уонна психологическай өйөбүлүн киинин» үлэһиттэригэр куһаҕан дьаллыгы утары охсуһуу саҥа психологическай ньымаларыгар («Психология формирования сознательной трезвости») уонна «Системный анализ в работе с психической травмой и посттравматическими стрессовыми расстройствами» диэн тиэмэлэргэ семинардары ыыттылар.
Дьокуускайга сырыытын кэмигэр Петр Губочкин семинар таһынан өрөспүүбүлүкэ вице-президенин Александр Глушкону кытары көрүстэ итиэннэ куһаҕан дьаллыктартан босхолонуон баҕарар куорат уонна чугастааҕы нэһилиэктэр олохтоохторун кытары улэлэстэ, оттон сарсын, кулун турар 29 кунугэр, өрөспүүбүлкэ пресс-киинигэр суруналыыстарга «Көрдөрөр-иһитиннэрэр сириэстибэлэргэ кризиснэй тиэмэлэри сырдатыыга психологическай куттал суох буолуута» диэн темаҕа маастар-кылаас ыытыаҕа, манна ким баҕалаах сылдьара көҥүл.
П.Н. Губочкин, Норуоттар икки ардыларынааҕы чөл туруктаах буолуу академиятын вице-президенэ, Норуоттар икки ардыларынааҕы психологическай наука академиятын толорооччу дириэктэрэ:
«Саха сиригэр мин кэлиим сүрүн сыала-соруга диэн олохтоох испэсэлиистэр үлэлэрин хаачыстыбатын үрдэтии, куһаҕан дьаллыктартан тутулуктаах буолбут, уонна саҥа буолан эрэр дьону кытары үлэлэһии. Арассыыйа олохтоохторугар арыгынынан, табаҕынан, наркотигынан эргинэр мафиялар өттүлэриттэн күүстээх информационнай сэрии бара турар. Кинилэр бу табаардардарын батараары араастаан киирсэллэр. Кинилэр ыччаты «олоххо тугу барытын боруобалыахха наада» диэн күөх экран нөҥүө, радионан, киинэлэринэн угуйа, ыҥыра тураллар, бэл оннооҕор истэр ырыаларбыт да тыллара оннук буоллулар. Ылан да көрдөххө, Арассыыйа эстрадатыгар ыччат ортотугар киэҥник биллэр, биһирэнэр бөлөхтөр ырыаларын тылларыгар бааллар: Холобур, «Виа гра» кэрэ кыргыттара «Опиум», Квес пистолз «Я твой наркотик» уо. д.а . маннык курдук тыллаах ырыалар тахса тураллар. Онон куһаҕан дьаллык туһунан информация ыччат өйүгэр-санаатыгар мэлдьи баар. Маннык тыллаах ырыалары ким эрэ төлүүр буолан тахса тураллар буоллаҕа эбээт. Онон эдэр ыччат маннык курдук куһаҕан информацияларга бэлэм уонна харысхаллаах буолара наада.»
СӨ «Ыччат социальнай уонна психологическай өйөбүлүн киинин» специалистэрэ семинардартан биллэн туран киэҥ билиини ылан, бу этиллибит муҥуутаан турар проблемалары кытары охсуһууну аны миэстэтигэр ыытыахтара.
Наталья Колесова.
Комментарии
Сообщение:
Отправить Отмена