Кулун тутар 23 күнүгэр Дьокуускайдааҕы Дьарыктаах буолуу киинигэр 10-13 чч. (Дзержинскэй уул., 38) үлэ дьаарбаҥката тэриллэр. Манна олох-дьаһах өҥөтүн эйгэтигэр үлэлиэн баҕалаах дьону күүтэллэр.
Бастаан үлэ биэрээччилэри кытары көрсүөххүт, онтон Дьарыктаах буолуу киинин үлэһиттэриттэн сүбэ-ама истиэххит. Үлэтэ суох киһи хайдах учуокка туруохтааҕын, атын идэҕэ үөрэтэр хайдах-туох быраабылалааҕын, босуобуйа төлөнөр бэрээдэгин туһунан кэпсиэхтэрэ. Ону сэргэ психологтар, юристар үлэлиэхтэрэ, уустук балаһыанньаҕа түбэспит дьону өйүөхтэрэ.
Ким эмэ кыайан Дьарыктаах буолуу киинигэр тиийбэккэ хааллаҕына, эмиэ бу күн 10-13 чч. Ленин проспегын 15-гэр өҥөйүөн сөп. Онно Мээрийэ дьиэтин Улахан мунньахтыыр саалатыгар юристар буор-босхо билиилэриттэн бэрсиэхтэрэ.
Комментарии
Сообщение:
Отправить Отмена