СӨ «Ыччат социальнай уонна психологическай өйөбүлүн киинэ» сылын аайы үгэс буолбут семинара ыытыллан эрэр. Онно номнуо Киин 13 салаатыттан 60-ча специалист кэлэн үөрэнэн саҕалаата. Тоһоҕолоон этэр эбит буоллахха, быйылгы семинардары анаан-минээн Ярославль куораттан, норуоттар икки ардыларынааҕы чөл туруктаах буолуу академиятын вице-президенэ Петр Губочкин уонна Москва куораттан Клиническай психология уонна психотерапия психотерапева Дмитрий Шевченко ыыталлар. Онон уйулҕа үөрэхтээхтэрэ куһаҕан дьаллыгы утары охсуһууга, саҥа психологическай ньымаларга үөрэнэн барыахтара.
Бүгүн, Духуобунай семинария киэҥ уораҕайыгар семинар үөрүүлээх аһыллыыта буолла. Манна ыраахтан кэлбит ыалдьыттартан ураты, Ыччат политикатын миниистирэ Георгий Куркутов, Киин бииргэ үлэлэһэр тэрилтэлэрэ, итиэннэ өрөспүүбүлүкэ араас муннуктарыттан кэлбит уйулҕа үөрэхтээхтэрэ муһуннулар.
Сарсын кулун тутар 22 күнүгэр республика пресс саалатыгар Норуоттар икки ардыларынааҕы чөл туруктаах буолуу академиятын вице-президенэ Петр Губочкин, Ыччат политикатын миниистирэ Георгий Куркутов, СР «Ыччат социальнай уонна психологическай өйөбүлүн киинин» директора Иван Копырин, чөл туруктаах буолуу фондатын салайааччыта Елена Шудря кыттыылаах -- « Куһаҕан дьаллыгы сэрэтэргэ психологическай үлэ саҥа ньымалара» диэн ааттаах суруналыыстарга пресс-конференция буолара былааннанар.
Наталья Колесова.
Хаартыска5а: Петр Губочкин.
Комментарии
Сообщение:
Отправить Отмена