Бу нэдиэлэҕэ, кулун тутар 24-25 күннэригэр, Горнай улууһа төрүттэммитэ 80 сылыгар анаан Дьокуускай куоракка Горнай улууһун күннэрэ ыытыллара былааннанар. Кулун тутар 24 күнүгэр улуус баһылыга Петр Алескеев «Саҥа күн» биэриигэ кыттар. Горнай улууһун делегацията Ил Түмэн дьокутааттарын, Дьокуускай куорат салалтатын уонна ыччат министиэристибэтин үлэһиттэрин кытары көрсүөҕэ.

Нуучча тыйаатырыгар Дьокуускайга Горнай күннэрин аһыы үөрүүлээх тэрээһинэ ыытыллара былааннанар.

Кулун тутар 25 күнүгэр улуус делегацията предпринимательство, туризм сайдыытын уонна дьарыктаах буолуу министиэристибэтин кытта мунньах ыытар. Манна улуус сайдыытын сүрүн боппуруостарын туһунан кэпсэтиэхтэрэ.

Ону таһынан Горнай делегацията физкултуура уонна спорт государственнай кэмитиэтин кытта ыччаты спортка уонна чөл олоххо сыһыарыы боппуруостарыгар мунньах ыытара былааннанар.

Бу күн народнай суруйааччылар Семен уонна Софрон Даниловтар, Петр Аввакумов мемориальнай дуоскаларыгар сибэкки дьөрбөтүн ууруохтара. Ону тэҥэ народнай поэт Савва Тарасов олорбут-айбыт дьиэтигэр мемориальнай дуоскатын аһыы тэрээһинэ ыытыллыаҕа.

Улуус күннэрэ М.К.Аммосов аатынан ХИФУ култуурунай киинигэр улахан кэнсиэринэн түмүктэниэ. Бу туһунан СИА кэпсиир.

kyym.sakha.ru
21.03.2011 12:32 | оригинал статьи | просмотров: 16436