Нэһиилэ тиийинэн олоруу алын кээмэйигэр тиийинэр-тиийиммэт дохуоттаах (среднедушевой доход ниже 1,2-кратной величины прожиточного минимума), Дьокуускай куорат олохтоохторо кэтэх дьиэҕэ гааһы холботоллоругар биир кэмнээх көмө оҥоһуллуон сөп. Кээмэйэ 100 тыһ. солк. Итинник аадырыстаах көмөнү ылар бырааптаах дьон: дохуот таһымыттан тутулуга суох, дьиэ ыларга социальнай төлөбүрү ылбатах, олорор дьиэ усулуобуйатын тупсарыыга учуокка турбат гражданнар (СӨ бырабыыталыстыбатын 17.01.2011 13 № уурааҕа); Аҕа дойду сэриитин кыттыылаахтара; Аҕа дойду сэриитин кыттыылаахтарын огдооболоро; «Ленинград блокадатын олохтооҕо» бэлиэнэн наҕараадаламмыттар.
Биир бастакынан маннык тус аадырыстаах көмөнү ылар быраап соҕотох олорор биэнсийэлээх кырдьаҕастарга, инбэлиит оҕолоох ыалларга, инбэлииттэргэ уонна элбэх оҕолоох ыалларга, соҕотох ийэлэргэ бэриллэр. Докумуоннары ханна бэрэпиискэлээх сиринэн көрөн, наадыйааччылар куорат быраабаларыгар уонна куорат кытыытынааҕы бөһүөлэктэр дьаһалталарыгар туталлар. Сиһилии иһитиннэриини балартан эбэтэр мээрийэ уопсастыбаннаһы кытта үлэлиир Управлениетыттан ыйыталаһар ордук. Санатар буоллахха, тиийиммэт олохтоох дьон дьиэлэригэр гааһы киллэрии СӨ бырабыыталыстыбатын 2010 сыл кулун тутар 19 күнүнээҕи 104 №-дээх уурааҕар суруллубут усулуобуйаҕа олоҕуран барар.
Комментарии
Сообщение:
Отправить Отмена