Кулун тутар 22-23 күннэригэр Дьокуускай куоракка Өймөкөөн улууһа төрүттэммитэ 80 сылыгар аналлаах тэрээһиннэр ыытыллаллар. Бу ту´унан СИА и´итиннэрэр. Бастакы күн үөрүүлээх тэрээһин аһыллыыта, ону сэргэ «Оймяконье в сердце моем» диэн хаартыска быыстапката буолар. Оттон Орджоникидзе болуоссатыгар «Тымныы полюһа» акция саҕаланар. Улуус баһылыктара Өймөкөөн улууһун бэтэрээннэрин, үрдүк уонна орто анал үөрэх кыһаларын устудьуоннарын кытта көрсүөхтэрэ.
Ону таһынан улуус делегацията Өймөкөөн биллэр атыыһыта уонна мецената Н.О. Кривошапкин 180 сааһыгар аналлаах төгүрүк остуол ыытыахтара. Манна Дьокуускай куорат 5№-дээх оскуолатын үөрэнээччилэрэ, учууталлара кыттыахтара.
Кулун тутар 23 күнүгэр А.С.Пушкин аатынан нуучча театрыгар народнай суруйааччы Владимир Федоров айымньытынан «Магический кристалл Чысхаана» диэн премьера уонна Санта Клаус (Финляндия), Дед Мороз (Великий Устюг), Паккане (Карелия), Ямал Ири (Ямало-Ненецкий автономнай уокурук) кыттыылаах пресс-конференция буолуоҕа.
Күнүс 13 чааска оҕо дыбарыаһыттан остуоруйа персонажтарын тиэйбит массыына куорат уулуссаларын устун айанныаҕа. Маны тэҥэ «Чочур Мырааҥҥа» оҕолорго аналлаах «Снежные забавы» диэн култуурунай программа ыытыллыаҕа.
Киэһэ нуучча театрыгар «Золотое мое Оймяконье» диэн улахан концерт буолара былааннанар.
Комментарии
Сообщение:
Отправить Отмена