Дойду үрдүнэн быйыл орто уопсай үөрэхтээһин оскуолатын 800 тыһ. чугаһыыр оҕо бүтэрэр. Кинилэр бары биир кэлим судаарыстыбаннай эксээмэни туттарыахтара.
Бу туһунан Рособрнадзор салайааччыта Любовь Глебова этэн турар. Кини бэлиэтээбитинэн, бу ахсаан – иннинээҕи сылтан биллэ аҕыйах.
КГЭ-ни болдьоҕу иннинэ, эрдэлээн туттарааччылар быйыл муус устар 20 – 30 күннэригэр тургутугу ааһыахтара. Оттон тутаах, маҥнайгы түһүмэх болдьох – ыам ыйын 27 күнүттэн бэс ыйын 20 чыыһылатыгар диэри буолуоҕа. Иккис түһүмэх – от ыйын 8 – 18 күннэригэр. Быйылгы бүтэрээччилэргэ, уратыта диэн, КГЭ тутаах болдьох бастакы түһүмэҕэр эрэ эксээмэннэнэр кыах бэриллэр эбит. Биридимиэттэргэ хаттаан эксээмэннэнэр оҕолор эмиэ бу болдьоххо эрэ хапсар, туттарсар кыахтаахтар.
Ыам ыйын 27 к. – информатика, ИКТ
Ыам ыйын 30 к. – нуучча тыла, литэрэтиирэтэ
Бэс ыйын 3 к. – омук тыллара, химия
Бэс ыйын 6 к. –матымаатыка
Бэс ыйын 10 к. – география, обществознание
Бэс ыйын 14 к. – устуоруйа, физика
Саппаас күн диэҥҥэ бэс ыйын 16 күнэ анаммыт. Бу күн аахсыллар биричиинэнэн омук тылыгар, обществознаниеҕа, биологияҕа, ИКТ-га эксээмэннэммэтэх оҕолор туттарыахтарын сөп.
Оттон бэс ыйын 17 чыыһылатааҕы саппаас күҥҥэ география, химия, литэрэтиирэ, устуоруйа уонна физика биридимиэттэрин туттараллар. Бэс ыйын 18 күнүгэр нуучча тылын туттарбакка хаалбыт оҕолор кэлэллэр. Бэс ыйын 20 күнүгэр — матымаатыкаҕа эксээмэннэнээччилэр.
Комментарии
Сообщение:
Отправить Отмена