Билэргит курдук, быйыл «РФ булгуччулаах медицинскэй страховкалааһын туһунан» 326 №-дээх Федеральнай Сокуоҥҥа улахан уларыйыы киирбитэ.
Сыала-соруга дьэҥкэ – хас биирдии олохтоох БМС чэрчитинэн оҥоһуллар босхо медицинскэй көмөнү ыларын хааччыйыы уонна онуоха мэктиэ баар буоларын ситиһии.
Быйылгыттан саҕалаан хас биирдии гражданин эмтэнэр, көрдөрүнэр балыыһатын, бырааһын эрэ буолбакка, страховкаланар медицинскэй тэрилтэтин эмиэ бэйэтэ талар, сылга биирдэ уларытар бырааптааҕын санатабыт. Онуоха гражданин талбыт медицинскэй страховкатын тэрилтэтигэр туһааннаах сыл сэтинньи 1 күнүттэн хойутаппакка сайабылыанньа биэриэн эрэ наада. Ол эбэтэр, киниэхэ талар кыах толору баар. Арассыыйа атын субъегыттан атын субъегар көһөр түгэҥҥэ эмиэ уларытыахха сөп. Оттон омук гражданнара, кылгас кэмҥэ кэлэ сылдьааччылар «О беженцах» диэн ФС олоҕуран, Арассыыйа гражданнарын курдук медкөмөнү ылар бырааптаналлар. Кыһыл оҕо төрөөбүтүн туһунан туоһу суругу ылыар диэри төрөппүттэрин эбэтэр сокуоннай бэрэстэбиитэллэрин полиһынан туһаныан сөп. Саҥа киирбит сокуоҥҥа олоҕуран, бу дьыл ыам ыйын 1 күнүттэн БМС полиһын биир уопсай көрүҥэ киирэрэ күүтүллэр. Ол полиска бу иннинээҕигэ курдук кылгас кэмнээх болдьох турбат. Билигин туһанылла сылдьар полис саҥаҕа уларытыллыар диэри, күүһүн сүтэрбэт.
Комментарии
Сообщение:
Отправить Отмена