Өрөспүүбүлүкэ вице-президиэнэ, «Азия оҕолоро» спортивнай оонньуулары тэрийэр хамыһыйа бэрэссэдээтэлэ Дмитрий Глушко 2012с. ыытыллар оонньууларга бэлэмнэнии туһунан сүбэ мунньах ыытта. Улахан тэрээһин буолара 1 сыл 4 ый баар, онон бастакы сүбэ мунньахха уопсай балаһыанньалар туһунан кэпсэттилэр. Спортивнай оонньуу аһыллыыта уонна сабыллыыта «Туймаада» стадиоҥҥа ыытыллыа.
СӨ култуураҕа уонна духуобунай сайдыыга миниистирэ Андрей Борисов күрэх аһыллыытын уонна сабыллыытын ыытыыга санаатын үллэһиннэ.
Вице-президиэн улахан тэрээһиннэргэ сонун ньымалары, көстүүлэри туттар наадатын ыйда.
Кэлэр икки ыйга оонньуулары аһыы уонна сабыы церемониятын концепцията, сценарийа оҥоһуллуо. Бу туһунан СИА кэпсиир.
Комментарии
Сообщение:
Отправить Отмена