Саха ыала сүөһүтүн, сибиинньэни, кууруссаны да иитэрэ ыараата. Быйыл сайыны-күһүнү быһа тэлэбиисэргэ «Россельхозбаантан» кирэдьиит ылан уон куурусса атыыласпытын махтанар киһилээх реклама көһүннэ бөҕө. Тыа сирин олохтооҕун күлүү гыммыкка дылы буолан, киһи да сонньуйар. Ол кууруссабытын аһатарга 40 киилэлээх куулбут 850 солк. Сибиинньэ бурдуга 650-тан 850 солк. диэри халбаҥныыр. Ол гынан төһө барыстаммыта буолла?
Тыа ыалыгар эбиискэ, көмө хаһаайыстыба оҥосторугар көмө суох. Сүрүн болҕомто кэпэрэтииптэргэ ууруллар. Ыаллар сүөһүлэрин уопсай хотоҥҥо хомуйан көрүү бэлиитикэтэ ыытыллар. Бу саҕалааһын сүөһү иитиититтэн ыраах эбэтэр бүддьүөт, атын хайысхаҕа үлэлэһэр дьоҥҥо, кырдьык, үчүгэй. Тыа ыала кэтэх сүөһүтүн уһаайбатыгар көрбөт буоллаҕына, ыччата, оҕото сотору букатыннаахтык да тэйэр кутталлаах. Оҕо дьонугар көмөлөһөн, үлэ үөрүйэхтэригэр үөрэнэрин умнуо суохха. Өйдөөн көрдөххө, сүөһүлээх ыал оҕото сүөһүгэ сыстаҕас, үлэһит буола улаатар, үүт-эт хантан кэлэрин билэр. Онон хаһан баҕарда да, улааттаҕына төрөппүттэрин курдук сүөһү-ас көрүнэн, онтунан ас-таҥас оҥостор кыахтаах. Онон «бу кэтэх», «бу уопсай» диэн туораппакка, судаарыстыба кыах тиийэринэн көмөлөһүөн наада. Иккис этиим. Ыаллар ыал буолбат оҕолоругар хара ааныттан ынах, тыһаҕас анаан, туспа көрүнэн олороллорун хааччыйыа этибит. Аны туран, эһээ-эбээ сиэн эрэ көрсөр аналлаахтарын курдук өйдөбүлү биэрэбит. Билиҥҥитэ буоллаҕына, сиэннэммит үөрүүлэригэр, кырдьаҕастар сиэннэрин көрөллөрүн таһынан, охтуохтарыгар диэри хотону бүтүннүү көрө-истэ, хачыгырайа сылдьар түгэннэрэ элбэх. Былыр өбүгэлэрбит ыал буолбут оҕолоругар хайаан да сүөһү анаан туран, туспа олохтууллара. Ол билигин умнулунна, онон ыччат сүөһүттэн тэйдэ. Кэтэх хаһаайыстыбаны өйөөбөтөхтөрүнэ, балаһыанньа букатын буорайыа. Аны туран, ырыынак үйэтигэр билигин да тыа ыаллара олбуорбут иһигэр сүөһүлээх-астаах эрэ буоллахпытына, тулуктаһыахпыт, төрүт дьарыкпытын сүтэриэхпит суоҕа. Онон кэтэх хаһаайыстыба булгуччу наада. Судаарыстыба өйүөхтээх.
Аны, үлэтэ суохтарга 50 тыһ. кирэдьиит биэрэн, сүөһүтэ ииттиҥ диэн саҥа сүүрээни киллэрэн эрэллэр. Ону да улуус үрдүнэн икки ыалга. Ыччат сүөһүгэ сыһыннаҕына, кэпэрэтииптэргэ да үлэһит көстүөҕэ. Сүөһү көрөөччү үлэһит дьиэ кэргэнтэн улахан тутулуктаах. Судаарыстыба өйөбүлүнэн чааһынай бас билии хаһаайыстыбаларын туоратымыахха.
Намтан
Константин Еремеев.
Комментарии
Сообщение:
Отправить Отмена
-
10.160.44.15204.03.11 11:24 Автор: Бывалый
-
10.177.56.8902.04.11 18:02 Автор: Уйбаан
↑ наверхОттон президенын политиката олох атын ээ. Кини кэтэхтэри ойообот.
Саха тордо, сайдыыта, культурата - бу айыл5а, тыа сирэ, ынах сылгы таба дьарыга буолар. Нэhилиэнньэ биир аранытын тыа сирин олохтоохторун кинилэр проблемаларын дьин уорэтэн харчы-уп анаан коруоххэ. Кэтэхтэри булгу ойуохха наада. Саханы сиртэн тэйитимэн. Биhиги баайбыт - сир, дьиэ суоhулэрэ тутуу буолар ону ыhыктыахпыт эстэр суолга уктэнэбит. Сирэ суох саха атын омуктарга олорор сирин-уотун туран биэрии буолар. Саха норуотун ыар дьыл5алаах омугу таннырыман. Правительство куускэ улэлиэн наада тыалары уйуур туhугар, ону баара правительство бэрэссэдээтэлэ туох эрэ ньуу-ньаа, не рыба не мясо дьахтары олордон кэбиспиттэр, туох да идеологията суо5а биллэр-костор. Ба5ар улэhит финансист, экономист буолуо, он гынан баран сахалар тустарыгар дьин ыалдьар хотун буолбатах.Тылыгар оhугэр онто биллэр.