Кулун тутар 1 күнүгэр Москуба куорат физкултуураҕа уонна спортка Департамена инбэлиит-спортсменнар ортолоругар харбааһын күрэҕин тэрийэн ыытта. Күрэхтэһиигэ барыта 80 киһи кытынна. Кыайыылаахтар Нижегородскай уобаласка ыытыллар Арассыыйа чемпионатыгар кыттар чиэскэ тиксиэхтэрэ.
Саха сириттэн сылдьар Анастасия Диодорова ("Юность Москвы" оскуола бэрэстэбиитэлэ) 50 м. дистанцияҕа бастакынан кэллэ, кини көрдөрүүтэ - 44,1 сөк. Оттон 100 м. көхсүнэн харбааһыҥҥа Анастасия 1,32,80 сөк. кэлэн, чемпион аатын өссө төгүл бигэргэттэ.
Анастасия салгыы Лондоҥҥа ыытыллар Паралимпийскай оонньууларга кытта барар. Бу туһунан СИА Москуба куоракка баар СӨ бастайааннай бэрэстэбиитилистибэтин пресс-сулууспататыгар сигэнэн иһитиннэрэр.
Комментарии
Сообщение:
Отправить Отмена