Сир кэмитиэтин бэрэссэдээтэлэ Александр Коробов бэлиэтээбитинэн, урбаанньыттартан сири аукционунан ылыыга сайаапкалар 2010 с. ортотуттан киирэн барбыттар.

Барыта 300 кэриҥэ сайаапка киирбит. Онтон улахан аҥаара куорат сир хайа да нуорматыгар эппиэттээбэт (сорох учаастак уулуссаны уонна баһаарынайдар сылдьар суолларын мэһэйдиир) эбит. Онон 34 сир нуормаҕа сөп түбэһэр: онтон 5 — маҕаһыын сирэ, 8 — күйүөскэ, административнай дьиэ — 9, оҥорон таһаарар база — 12. Ол эрээри балары аукциоҥҥа туруоруох иннинэ техническэй усулуобуйаларын быһаарыахха наада. Ол аата, тутуллуохтаах эбийиэк кээмэйэ уонна хомунаалынай хааччыллыытын муҥутуур таһыма чопчуланыахтаах. Хомунаалынай өттүнэн хааччыйар хампаанньалар Якутскэнерго, Водоканал, Ленагаз буолаллар. Бу тэрилтэлэр хомунаалынай өттүнэн хааччыйарга эппиэттэрин биэрэ илик буоланнар, аукцион 2010 с. буола илик эбит. Онон аукцион бу сылга буолар диэн былааҥҥа ыйыллар. Урбаанньыттарга эргиэн-урбаан сыалыгар барыта 50 сир бэриллиэхтээх (онтон 34 инники бэлиэтээбиппит курдук, оҥоһуллан бүтэн, техусулуобуйата быһаарылларын кэтэһэн сытар). Онон бу боппуруоґу быґаарарга куорат баһылыга Юрий Заболев оробуочай бөлөҕү тэрийдэ.

kyym.sakha.ru
22.02.2011 10:59 | оригинал статьи | просмотров: 16738