Саха киинэтэ тэтимнээхтик сайдар, элбэх талааннаах режиссер баар буолла. Бу туһунан соторутааҕыта буолбут төгүрүк остуолга дьүүллэстилэр.

Култуура миниистирэ А.Борисов тыйаатыр режиссердара киинэҕэ ылсан эрэллэрин биһириирин биллэрдэ. «Yргэл В» устуудьуйа дириэктэрэ, киинэ продюсера В.Иванов өрөспүүбүлүкэҕэ киинэ индустриятын сайыннарыы кэнсиэпсийэтин суһаллык ылынар наадатын ыйда. Бу кэнсиэпсийэ барыла билигин бырабыыталыстыба көрүүтүгэр сылдьар.

Оттон «Кино Сити Лена» киинэ кулуубун дириэктэрэ Д.Федотов: «Киинэ – имидж бэлиитикэтин сорҕото буолуохтаах, Саха сирин үтүө аатын Арассыыйа уонна аан дойду таһымыгар таһаарыахтаах. Саха киинэтэ ураты суоллаах-иистээх. Ол эрээри киинэни устар буоллахха, ханна эрэ көрдөрүөххэ наада. «Кино Сити» ХЭТ бырайыагынан, Саха сирин үрдүнэн 5 бөдөҥ киин тутуллуохтаах: Дьокуускайга, Мииринэйгэ, Алдаҥҥа, Покровскайга уонна Нерюнгрига. Бу саха киинэтэ сайдарыгар төһүү буолуо. Сүрүнэ – кэми куоттарымыахха наада», — диэтэ.

Саха сиригэр киинэ индустриятын сайыннарыы боппуруоһун аны күһүн ыытыллыахтаах Духуобунас форумугар туспа салаа быґыытынан киллэрэргэ быґаардылар.

kyym.sakha.ru
21.02.2011 10:00 | оригинал статьи | просмотров: 17909