Кулун тутар 6-7 күннэригэр "Вос-дух" диэн Москва кулуубугар 1-кы Москватааҕы норуоттар икки ардыларынааҕы варган фестивала тэриллэр. Хомус тыаһын сүгүрүйээччилэр бу күннэргэ "Веданъ Колодъ", Чейнеш Байтушкина, Болот Байрышев, "Турбодзен" онтон да атын музыканнар толорууларын сэргии, сэҥээрэ, дуоһуйа көрүөхтэрэ. Бу хомусчуттар Арассыыйаҕа буолбакка, ордук кыраныысса таһыгар суон сураҕыраллар. Саха хомуһун Ким Борисов уонна Спиридон Шишигин тыаһатан иһитиннэриэхтэрэ. Фестивалы биһиги биир дойдулаахпыт Николай Соболев тэрийэн ыытар.
Комментарии
Сообщение:
Отправить Отмена