Бэҕэһээ, олунньу 9 күнүгэр, Дьокуускай куоракка РФ президенин иһинэн оҕо быраабыгар боломуочунай Павел Астахов кэллэ.

Павел Астаховы өрөспүүбүлүкэ вице-президенэ Дмитрий Глушко, вице-премьер Феодосия Габышева, дьиэ кэргэн уонна оҕо саас дьыалаларын Кэмитиэтин бэрэссэдээтэлэ Алексей Сергучев уонна омбудсмен Анна Соловьева көрүстүлэр. Аан бастаан Павел Астахов дьүлэй оҕолор өрөспүүбүлүкэтээҕи оскуола-интернаттарыгар тиийдэ.

Салгыы делегация мөлтөхтүк истэр, тыллара-өстөрө ситэ сайдыбатах оҕолор коррекционнай оскуолаларыгар сырытта. Ону таһынан бу күн Павел Астахов харахтарынан мөлтөх оҕолор оскуолаларыгар ыалдьыттаата.

Хас биирдии үөрэх тэрилтэтигэр сылдьан Павел Астахов тэрилтэ үлэһиттэрин уонна оҕолору кытары кэпсэттэ. Элбэх ыйытыылары биэрдэ. Оҕолору кытта үлэлиир киһи оҕону ис сүрэҕиттэн таптыыра улахан суолталаах диэн эттэ.

Ону таһынан обмудсмен элбэх оҕолоох Павловтар дьиэ кэргэннэригэр сырытта. Павловтар бэйэлэрэ түөрт оҕолоохтор, 9 оҕону иитэ ылбыттар.

Бүгүн, олунньу 10 күнүгэр, Павел Астахов салайыылаах делегация Өлөөн улууугар көттө. Манна кинилэр көһө сылдьар оскуолаҕа сылдьыахтара.

СӨ Президенин уонна бырабыыталыстыбатын пресс-сулууспатын матырыйаалыгар сигэнэн СИА кэпсиир. (СИА хаартыската)

kyym.sakha.ru
11.02.2011 09:00 | оригинал статьи | просмотров: 19880