Тохсунньу бүтүүтүгэр Нам улууґун ХатыІ Арыы (Аппааны) нэґилиэгэр умнуллубат бэлиэ күн буолан ааста. Бу күнү аІаардас ХатыІ Арыы эрэ олохтоохторо буолбакка, Нам улууґун дьоно-сэргэтэ бары долгуйа күүппүттэрэ.
Бу күн манна саха омук биир чаҕылхай уола, биллэр-кістір бідіІ судаарыстыбаннай, уопсастыбаннай-бэлитиичэскэй үлэґит Илья Егорович Винокуров аатынан кыраайы үірэтэр түмэл дьиэтэ аґылынна. Манна Илья Егорович аатыгар сүгүрүйэр, кинини ытыктыыр, билэр элбэх киґи муґунна. Ол курдук, Јліінтін, Јлүіхүмэттэн, Ґіґээ Бүлүүттэн, Тааттаттан кытта кэлбиттэр. Дьокуускай, Нам атын дэриэбинэлэрин туґунан этэ да барыллыбат.
Дьон-сэргэ мустубутун кэннэ И.Е. Винокуров пааматынньыгын анныгар гирлянда ууруу кэнниттэн, улуус баґылыга А.И. Ильин, нэґилиэк баґылыга Ю.И. Слепцов, И.Е. Винокуров тіріппүт уола В.И. Винокуров итиэннэ «АЛРОСА-Ньурба» ААУо сүрүн дириэктэрэ В.Т. Курнев тэлимниир кыґыл лиэнтэни быґан түмэл дьиэтин арыйдылар.
Иґирдьэ киирбит дьон тута сіҕүү-махтайыы біҕі буоллулар. Кырдьык, сабыс-саІа аґыллыбыт түмэл диэтэххэ, бэрт элбэх үлэ оІоґуллубута тута кістір. Манна нэґилиэк устуоруйата, былыргы туттар сэп-сэбиргэл, иґит-хомуос, норуот маастардарын оІоґуктара, И.Е. Винокуров тус бэйэтэ тутта сылдьыбыт мала-сала, тэрилэ-тээбиринэ, суруйбут остуола, о.д.а. араас сэдэх эспэнээт түмүллүбүт.
Элбэх киґи тыл эттэ, түмэл дьиэтигэр бэлэх-туґах туттарда, махтанна. Ким да матыан баҕарбата, бука бары санааларын этиэхтэрин-тыыныахтарын баҕараллар.
Н.С. Гаврильев, Аҕа дойду сэриитин бэтэрээнэ, астаапкаҕа олорор майор:
— Наґаа үчүгэй дьиэ үлэҕэ киирбит. Бу — саамай сіптііх дьаґал. Аҕыйах сыллааҕыта И.Е. Винокуров түмэлэ оскуолаҕа биир кылааска баар этэ. Билигин бэйэтэ туспа дьиэлэннэ. Оҕолорбут, ыччаппыт тіріібүт-үіскээбит нэґилиэктэрин устуоруйатын мантан инньэ үчүгэйдик билэр буолуохтара. И.Е. Винокуров — сүдү киґи. Кини олорон ааспыт олоҕо, үлэтэ ыччаппытыгар үтүі холобур буолан угуйа туруо этэ.
А.Т. Никифоров, «КопирТехСервис» сүрүн дириэктэрэ, Нам улууґун бочуоттаах олохтооҕо:
— Хайа баҕарар улуус, нэґилиэк бэйэтэ тірдүлээх, силистээх-мутуктаах буолар. Ону дьон-сэргэ билиэхтээх. Хомойуох иґин, кэнникинэн биґиги оҕолорбут Интэриниэтинэн олус үлүґүйэн, уруккуттан-хойуккуттан барытыттан тэйэн эрэллэр. БилиІІи устуоруйаны маннык дьон оІоруохтара. Оттон урут И.Е. Винокуров курдук дьон бааллара. Бу курдук сүдү, чаҕылхай дьоммут олохторуттан биґиги үлэлии үірэниэхтээхпит. Ол барыта кэлин бэйэбитигэр, оҕолорбутугар кімі буолуо.
А.Н. Большакова, Таатта улууґуттан кэлбит, учуутал:
— Мин кэргэним Василий Егорович Большаков 1940 с. тіріін баран, 1942 сыллаахха сэрии кэмигэр тулаайах хаалбыта. Ийэлээх аҕата сут-кураан туран, утуу-субуу хоргуйан ілііхтіібүттэр. Оттон үс убайдааҕа сэриигэ бараллар. Дьэ, оннук эргиччи тулаайах хаалбыт кыра оҕо ілір-хаалар кэмэ ыган кэлбитигэр, дьолго, И.Е. Винокуров тулаайах оҕолору иитэ ылар туґунан дьаґала тахсыбыт. Инньэ гынан, кинини Прасковья Блахирова диэн эмээхсин иитэ ылар. Онон эрэ кэргэним киґи-хара буолбут. Онон кини мин манна кэлэрбэр илдьиттээбитэ: «НамІа Винокуров тіріібүт сиригэр түмэл арыллар, онно тиийэн баран, хайаан да Нам дьонугар-сэргэтигэр, хатыІ арыыларга махталбын тириэрдээр». Ону ити тыл этэ тахсан баран, долгуйан хааламмын, кыайан эппэтим. Онон, түгэни туґанан, хаґыатынан Нам дьонугар-сэргэтигэр кэргэним уонна бэйэм ааппыттан махталбын тириэрдэбин.
Дьэ, ити курдук дьон-сэргэ махтала Илья Егоровичка, тіґі да сыл-хонук ааспытын иґин, муІура суох. Кырдьык, кини олорон ааспыт олоҕо, үлэлээбит үлэтэ-хамнаґа кини кэнниттэн кэлэр кілүінэ дьоІІо тула іттүттэн үтүі холобур буолар. Кини тіріібүт-үіскээбит дойдутугар, ХатыІ Арыы сиригэр-уотугар, аатын үйэтитэр түмэл дьиэ тутуллан үлэҕэ киириитэ – бар дьон ытыктабылын туоґута.
Альберт Капрынов
Комментарии
Сообщение:
Отправить Отмена