Саҥа кэлбит сыл, үгэс курдук, сыана үрдээһининэн аан бастаан биллэр. Бу да сыл оннук буолла.

Сонун ситимнэрэ кэпсээбиттэринэн, Саха сиригэр үүт уонна тоҥ балык сыаната биллэ үрдээбит. Соторутааҕыта ынах арыыта уонна хаппыыста сыаналара үрдээбиттэрин биһиги саайпытыгар кэпсээн турардаахпыт. Арассыыйа бэрэсидьиэнин Уһук Илиннээҕи федеральнай уокуругун боломуочуйалаах бэрэстэбиитэлэ Виктор Ишаев бэйэтин үлэһиттэригэр тоҕо биһиги эрэгийиэммитигэр сыана туохха барытыгар үрдүүрүн чуолкайдыылларыгар уонна быһааралларыгар сорудахтаата.

Истиэххэ кэрэ, ыраах олорор тойон биһиги туспутугар кыһалларын. Оттон онон эрэ дуоһуйарбыт буолуо ээ, сэрэйдэххэ.

www.kyym.ru
02.02.2011 13:14 | оригинал статьи | просмотров: 18971