Ааспыт аҕыйах хонукка Дьокуускай куоракка тумуу ыарыыта киэҥник тарҕанна.
Оттон Саха сирин сорох улуустарыгар, куораттарыгар ыалдьыбыт киһи ахсаана былырыыҥҥы көрдөрүүтүн хас да төгүл куоһарда диэн быраастар отчуоттаан эрэллэр. Аҥардас Мииринэйгэ ыалдьыбыт киһи ахсаана былырыыҥҥытааҕар 5,5% элбээбит. Аны туран боростуой «сэбиэскэй» грипп буолбакка, «сибиинньэ» дьаҥа тарҕанан эрэр диэн сэрэтэллэр.
Кэлбит нэдиэлэ саҕатыгар Мииринэйгэ биир улахан киһи уонна Дьокуускайга оскуола оҕото кутталлаах ыарыынан ыалдьыбыттар. Өссө Алдан оройуонугар биир киһи ыалдьыбыт диэн биллэрэллэр. Саамай кутталлааҕа, киһи сэрэнэрэ, бу ыалдьыбыт дьон Саха сириттэн ханна да бара сылдьыбатахтар. Онон дьон-сэргэ тоҕуоруһар сиригэр мааска кэтэр булгуччулаах буолла.
Комментарии
Сообщение:
Отправить Отмена