«Алын Јлүінэтээҕи» ААУо алмаас баайдаах сирдэри үірэтэр-чинчийэр, хостуур учаастактарыгар үлэни кыайар олохтоох дьон хото үлэлииллэр.

Бастаан утаа атах-бытах, кыра тілібүрдээх үлэҕэ сылдьыбыт буоллахтарына, билигин – атын хартыына: саха уолаттара «БелАЗ» мааркалаах ыарахан уйуктаах самасыбааллары, «WA-500», «WA-600» погрузчиктары, «Комацу-350», «Комацу-375» бульдозердары салайан үлэлэтэр буоллулар. «Саха сатаабатаҕа суох» диэн этиини бигэргэттилэр.

Ханнык да дьыалаҕа саҕалааччылар баар буолаллар – дьону угуйар, тылыгар киллэрэр, сүбэ-ама биэрэр, баай уопуттаах дьон. Жирков Константин Константинович – олортон биирдэстэрэ. 1980 с. инженернэй-техническэй факультет хайа салаатын бүтэрэн, Уус Майа улууґун кімүс хостуур бириискэтигэр хайа маастарынан, учаастак салайааччытынан, буур маастарынан үлэлээбитэ. Ыґыллыы-тоҕуллуу да кэмигэр идэтин уларыппатаҕа. 1999 с. «Алын Јлүінэтээҕи» хайа геологиятын судаарыстыбаннай тэрилтэтигэр ыІырыллан кэлбитэ. Молуода учаастагар техническэй салайааччынан үлэлээбитэ. КэлиІІи 5-6 сыл буур учаастагын салайар.

Константин Константинович биир сүрүн үтүітэ, мин санаабар, саха ыччатын, тіріібүт МэІэ ХаІалаґын Баатаратын элбэх эдэр дьонун сир баайын чинчийиигэ, кірдііґүІІэ уонна хостооґуІІа угуйбутугар сытар. Билигин бу тэрилтэ учаастактарыгар, «Анаабыр алмаастарыгар» даҕаны, олохтоох ыччат дьон сүрүн оруолу ылла, кэлин улахан кыамталаах, тоІ сири тоҕута тыытар ыарахан бульдозердарга, погрузчиктарга, улахан уйуктаах самасыбаалларга хото үлэлээн эрэллэрэ киґини эрэ үірдэр, инникигэ эрэли саҕар. Кэлии дьону кытта тэІІэ үлэлиир дьонноохпутунан киэн туттуу үіскүүр.

Хайа инженерин уустук идэтин толору баґылаабыт ыччаппытыттан салайар үлэҕэ ситиґиилээхтик үлэлии сылдьаллар: Никитин Федор, Захаров Иван, Стручков Егор, Посельскай Алексей, Макаров Сергей уо.д.а. Кинилэр ааттарын іссі да истиэхпит диэн эрэнэ саныыбын.

Улахан бульдозердарга масыньыыґынан Решетников Алексей, Бочкарев Афанасий, Жирков Петр, погрузчик масыньыыґынан Варламов Эдуард, Пестряков Дмитрий, «БелАЗ» самасыбаалларга Соловьев Петр, Прокопьев Святослав уо.д.а. ситиґиилээхтик үлэлии сылдьаллара атыттарга үтүі холобур буолара чахчы.

Улуустар салайааччылара үлэҕэ ыыппыт дьонноро хайдах-туох үлэлии-хамсыы сылдьалларын интэриэґиргииллэрэ кэрэхсэтэр. МэІэ ХаІалас улууґун баґылыга В.И. Птицын «Алын Јлүінэтээҕи» ААУо учаастактарыгар үлэлиир биир дойдулаахтарын кэлэн кірсін, кэпсэтэн-ипсэтэн барбыта атыттарга холобур эрэ буолуон сіп. Владимир Ильич быыс булан, тэрилтэ салайааччыта, Ил Түмэн дьокутаата Владимир Романович Кычкинныын сүбэлэґэн, дойдуларыттан тэйэ сылдьан үлэлиир уолаттар олорор, үлэлиир усулуобуйаларын кірін барда, улуус сонуннарын кэпсээн сэргэхситтэ, ыйытыыларга хоруйдаата, үлэлиэн баҕалаах элбэҕин эттэ, эдэрдэр ыарахан тиэхиньикэҕэ хото үлэлииллэригэр баҕарда. Ґлэґиттэр сібүгэр сылаас, ыраас хосторго олороллорун, күІІэ түіртэ киэІ-куоІ остолобуойга тото-хана аґыылларын, нэдиэлэҕэ иккитэ баанньыкка сууналларын кірін итэҕэйдэ. Хамнас, бириэмийэ туґунан ыйытыыларга генеральнай дириэктэр хоруйа истээччилэри астыннарда.

Манна үлэлии сылдьар уолаттар баахта кэнниттэн дойдуларыгар тиийэн, чугас дьонноругар үлэлэрин-хамнастарын туґунан сиґилии кэпсиэхтэрэ. Оччоҕо аны саас күүстээх санаалаах, сэниэлээх эдэр дьон каадыр отделыгар тоҕуоруґуохтара. Хамыыґыйаны, тургутугу этэІІэ ааспыттар «Алын Јлүінэтээҕи» ААУо диэн им бэлиэлээх, хараІа күіх іІнііх анал таІаґы кэтэн, хайаны байытар баабырыкаларга, кірдүүр-чинчийэр шурфалары хаґыыга, араас тиэхиньикэҕэ үлэлэрин саҕалыахтара. Сахалар бырамыысыланнаска кимэн киириилэрэ салҕаныа.

www.kyym.ru
27.01.2011 11:32 | оригинал статьи | просмотров: 22431