«Хомус (trump) аан дойдутааҕы култуура эйгэтигэр» норуоттар икки ардыларынааҕы VII Бэстибээл-кэнгириэскэ «АЛРОСА» АХ сүрүн успуонсар буолла.

Бу бэстибээл-кэнгириэс 2011 сыл бэс ыйыгар Дьокуускайга ыытыллыа. Билэрбит курдук, киґи аймах биир саамай кырдьаҕас үстүрүмүінэ – хомус – Сир ийэ бары муннугар тарҕаммыт. Оттон күн бүгүн биґиги Сахабыт сирин хомус аан дойдутааҕы киининэн билинэллэрэ мээнэҕэ буолбатах.

Дьокуускайга ыытыллыбыт «Хомус (варган): үгэс уонна аныгы кэм» диэн, норуоттар икки ардыларынааҕы II Кэнгириэс улахан хамсааґыны таґаарбыта. 90-с сыллар саҕаланыыларыгар тэриллибит Хомус түмэлигэр аан дойду үрдүнэн саамай улахан хомус кэллиэксийэтэ харалла сытар. Ол да иґин, бэстибээл-кэнгириэґи чопчу Дьокуускайга ыытарга быґаардылар.

Тас сибээс миниистирэ Валерий Максимов кіҕүлээґининэн, бэрэсидьиэн Е.Борисов «АЛРОСА» хампаанньаҕа VII Бэстибээл успуонсара буоларга этии киллэрбитэ. «АЛРОСА» АХ біліҕір киирэр «Тимир» ГМК ААУо бу сугулаан генеральнай успуонсара буолуута ібүгэ үгэґин сіргүтүүгэ, аныгы култуураны сайыннарыыга урбаан уонна судаарыстыба кыттыгас үлэлэрин үтүі холобура буолар. Кырдьыга, күүґү түмэн үлэлээтэххэ эрэ үгүґү, үтүінү ситиґиэххэ сіп: экэниэмикэни сайыннарыыга буоллун, үгэґи ірі тутууга буоллун.

«Хомус (trump) аан дойдутааҕы култуура эйгэтигэр» норуоттар икки ардыларынааҕы VII Бэстибээл-кэнгириэґи СЈ Тас сибээскэ министиэристибэтэ, СЈ Култуураҕа уонна духуобунай сайдыыга министиэристибэтэ, Аан дойду норуоттарын Хомуґун киинэ уонна түмэлэ тэрийэллэр. СЈ Аҕа баґылыга Е.А. Борисов дьаґалынан, бу бэстибээли бэлэмниир, тэрийэр кэмитиэт тэриллибитэ. Бэрэссэдээтэлинэн СЈ вице-бэрэсидьиэнэ Д.Е. Глушко анаммыта.

www.kyym.ru
25.01.2011 09:46 | оригинал статьи | просмотров: 16277