Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

«Алмаастаах түөлбэ-2010» буолан ааста

Бу күннэргэ Мииринэйгэ «Алмаастаах түөлбэ-2010» диэн ааттаах киэҥ далааhыннаах атыы-эргиэн быыстапката ыытыллан, дьон Саҥа Дьыл бырааhынньыгын иннинэ балай эмэ туттуммахтаан хаалла.

Бородууксуйалара да бэртээхэй, астара да сибиэhэй. Маннык дьаарбанканы «АЛРОСА» уонна «Мииринэй оройуона» муниципальнай тэриллии дьаhалтата иилээн-саҕалаан ыыттылар. «Юбилейнай» эргиэн киинин ахсыс салаатыгар киhи аалыҥнас буола сырытта. Мииринэйдэр ордук чуолаан Ньурбатааҕы аhылык кэмбинээтин минеральнай уутун олус диэн сэргээн хамаҕатык атыыластылар.

Cыаната да удамыр эбит – бытыылката 40 солк. Амтанын тус бэйэм сэргээтим: төhө баҕарар иhэн киллиргэтэ туруохха сөп. Утаҕы ханнарар, арыый ама туустаах, киhи иhин сылытар курдук. Дьэ арай, сотору буолаат, тахсан киириэххин баҕараҕын. Дьиҥнээх, «классическай» минеральнай уу диэн маннык буолааччы. Аны бу кэмбинээт салайааччыта А.Эверстов илэ бэйэтинэн прилавок сэргэ турда. Сайаҕас, дьону кытта ирэ-хоро сэhэргэhэри сатыыр киhи буолан биэрэн, интэриэстээххэ барытыгар, нууччалыы-сахалыы кутан-симэн Ньурба минеральнай уутун сиhилии билиhиннэрдэ. Ньурбалар бары да нууччалыы ыраастык саҥарааччылар, куораттыы майгылаахтар. Сытыылара-хотуулара да бэрт. Кэмбинээт кыргыттарын да кэпсээннэрэ элбэҕэ, бэйэлэрэ сирэйдиин-харахтыын да ис-киирбэхтэрэ, атыылаhааччыга элэккэйдэрэ, мииринэйдэр хоччорхой дууhаларын сылаас иэйиинэн таарыйда, «ириэрдэ» диэххэ наада. Манна мустубут дьон бары, «дьэ, астыктык да билиhиннэрэлэр» диэн эмтээх ууну сорох омуннаахтарбыт дьааhыгынан ылыталаатылар. Эмиэ Ньурба «Байар» ас-үөл фирмата чохоон, күөрчэх, суорат, быырпах, сүөгэй, иэдьэгэй эгэлгэтин табыгастаахтык атыылаан, Мииринэй олохтоохторо олус диэн астыннылар. Аны атыыhыттара эйэҕэстэрэ, кэпсэтинньэҥнэрэ, биhиэннэрин курдук сэнээбит киhилэригэр туруору куруубай, аанньа ахтыбаттыы чыналдьыйар, «толоос-торҕон» сыhыаннаах буолуохтара дуо?!

Ити атыылааччыларбытыгар эрэ буолбакка кэккэ чунуобунньуктарга эмиэ сыhыаннаах этии! Оттон Сунтаартан аан бастаан кэлбит Бордоҥ агрооскуолата сувенирдартан саҕалаан моонньоҕон, харас, уулаах отон, дьэдьэн, долохоно, сарбынньах, киис отонун барыанньаларын, сууламмыт буотараҕы, дырыhаанкыны аҕалбыта эмиэ атыыга харыыта суох барда. Маладьыастар! Бордоҥ оскуолатын дириэктэрэ Руслан Иванов, бу олус наадалаах тэрээhин, мантан киhи элбэҕи да билэр эбит диэн түмүккэ кэлбит. Кинини кытары кэлбит оҕолор да улаханнык сэргэхсийбиттэр. Агрооскуолалара саҥа да буоллар, атахтарыгар номнуо турбут. Бэйэлэрэ хас да гектар оҕуруот аhын олордор сирдээх, техникалаах буоланнар, киэҥник тэнийэр кэскиллэммиттэр.

«Мииринэйгэ тыа сирин бородууксуйатыгар интэриэс син баар эбит. Оттон биhиги барыыстаахтык атыылыырга yерэниэхтээхпит,» – диир дириэктэр Руслан Алексеевич Иванов. Сунтаартан бэйэтиттэн, бу сырыыга олус аҕыйах тэрилтэ кэлбитэ сөхтөрдө. Улахан тэрилтэлэртэн «Сунтаар-Ас», «Кириэстээх» ТХК эрэ кэлбиттэр. Сунтаардар Мииринэйгэ бу сырыыга тоҕо-хоро атыылыы кэлиилэрин туох эрэ харгыстаабыт быhыылаах эбэтэр сырыыны ороскуоттааҕынан аахпыттар. Кырдьык, техника уматыгар, көстүүнэйгэ ороскуот баар аҕай буолуон сөп. Оттон, бу күннэргэ кинилэргэ мииринэйдэр «Юбилейнайга» буор-босхо атыылыыр кыах биэрдилэр эбээт! Ону тыалар тоҕо туhамматылар? Урут ахсыс павильон былаhын тухары сунтаардар(тойбохойдор, куокунулар, уhун-күөллэр, дьаарханнар, элгээйилэр, маар-күөллэр) күө-дьаа буолан элбэх да буолар этилэр. Билигин бу диэки кэлэллэрин ыарыргыыр буолбутта. Оттон ньурбалар сырыы аайы тоҕо олус көхтөөхтөрүй?! Кинилэр сунтаардартан балачча ыраах олороллор эбээт! Бүлүүлэр уонна үөhээ-бүлүүлэр «Алмаастаах түөлбэҕэ» кыттыыны ылары наадалааҕынан аахпатахтарын эмиэ бэркиhээтим. Дьыала ис өттө биллибэт, туох эрэ биричиинэнэн кэлбэтэхтэр.

Урукку сылларга, «Сыа Бүлүү», «Ороhу» манна көхтөөхтүк кыттар этилэр. Собо, ынах, убаhа эттэрин эмиhин, сыалааҕын-талыытын, чэпчэки сыаналааҕын аҕалаллара. Ол бэйэлэрэ бу сырыыга суохтар. Дьаарбанка кэмигэр Ньурба минеральнай уутун билиhиннэриини таhынан, «Кыhыллыбыт балык-2010» күөн-күрэс буолан дьон интэриэhин тарта. Манна Сунтаар улууhун урбаанньыта К.Павлов эрэллээхтик кыайда уонна сыаналаах бэлэх ылла. Бүтэр уhугар, дьаарбанкаҕа ситиhиилээхтик кыттыбыт дьону наҕараадалааhын буолла. Манна куорат кулубатыттан муҥутуур улахан бириистэри Мииринэйдээҕи «Эдем» бааhынай хаhаайыстыбата ылаттаата. Ол иhигэр киниэхэ 50 тыhыынчалаах гран тигистэ.

Тыа хаhаайыстыбатын министиэристибэтиттэн анал бириистэри Ньурбатааҕы аhылык кэмбинээтэ уонна «Байар» фирма ыллылар. Сунтаар Бордоҥун агрооскуолата биhирэбиллээх бириистэри тутта. Оннук бириистэри Мииринэйдээҕи «Олом» кыра омуктар общиналара, куораттааҕы үүт собуота, «Сунтаар-ас», ыраах Кэбээйиттэн сылдьар кэпэрэтиип туттулар. Онон атыылаhааччылар да, атыылааччылар да дьиэлэригэр син эмиэ өттүк харалаах төнүннүлэр диир оруннаах буолуо.

Станислав Алексеев, Мииринэй куората.

kyym.sakha.ru
28.12.2010 11:24 | оригинал статьи | просмотров: 15700

17.03.11
Егор Борисов: суруналыыс анала – дьоҥҥо көмө 1
16.03.11
Дьокуускай былырыыҥҥы олоҕо сыыппаранан
16.03.11
Кэтэх дьыссааттары элбэтиэххэ
16.03.11
Мииринэйгэ ыһыах, Сунтаарга ат сүүрдүүтэ
16.03.11
Алдаҥҥа уран хостонноҕуна айылҕаҕа дьайыыта хайдах буолуой? 3
15.03.11
Тааттаҕа бөрө үөрэ мэнээктээбит 5
15.03.11
Саха сириттэн Японияҕа хас киһи баара чопчу биллибэт 3
15.03.11
Балыыһаларга саҥа систиэмэ олохтонор
15.03.11
Тыа сирин туһунан тус санаа
14.03.11
Бэтэрээннэргэ эбии харчы
14.03.11
Төлөбүр саҥа көрүҥэ олохтонор 1
14.03.11
Тырааныспар сырыыта уларыйыа
14.03.11
Кытай суута кытаанах 4
11.03.11
КГЭ болдьоҕо чопчуланна
11.03.11
Саҥа сокуон, саҥалыы полис
11.03.11
Эт, үүт уонна да атын туһунан 2
11.03.11
Куорат уустук боппуруоһа: бэйдиэ сылдьар ыттар 16
10.03.11
Пенсия: икки түһүмэҕи бииргэ холбуурга 1
10.03.11
«Азия оҕолоругар» бэлэмнэнии туһунан
10.03.11
А.Бурнашов биир дойдулааҕар бэлэҕэ 29
10.03.11
Култуура миниистирэ «култуурата суох» быһыыта 8
09.03.11
Сылгылаах дьоҥҥо туһалаах сүбэ
09.03.11
Агрооскуолаҕа – саҥалыы тыыны, уһун үйэни
09.03.11
Виолетта бастакы түһүмэхтэн туораата 3
09.03.11
Айан суолугар алдьархай тахсыбыт
09.03.11
Саина Варвара концерыгар кытынна 2
05.03.11
Чурапчылар Мииринэйгэ
05.03.11
Дьон ахсаана биллэрдик уларыйбыт 3
05.03.11
Учууталларга харчы ситэ төлөммөтөх
05.03.11
Хармааны сэргэ тирии халыҥыыр 19
04.03.11
«АЛРОСА-ВГС» аны Ленскэйдиир уот ситимин тутар
04.03.11
Кэтэх хаһаайыстыба булгуччу наада 2
04.03.11
Анастасия Диодорова чемпион аатын өссө төгүл бигэргэттэ!
04.03.11
«Ситим» саҥа сурунаала-«Здоровье есть!»
03.03.11
Аллараа Бэстээххэ тимир суолу тутуу туһунан мунньах буолар
03.03.11
Тыа хаһаайыстыбатын министиэристибэтин иннигэр турар үлэ соруктара
03.03.11
«Ситим» саҥа сурунаала-«Здоровье есть!»
02.03.11
Гаас эстибит
02.03.11
Сбербаан саҥа бырагыраамата 1
01.03.11
Күнтэн күн: халабырдьыттар, уоруйахтар
Яндекс.Метрика