Бэҕэһээ, ахсынньы 21 күнүгэр, СӨ Ил Түмэн бэрэссэдээтэлин солбуйааччы, агрооскуолалар холбоһуктарын Сүбэтин президенэ Александр Жирков Сүбэ үһүс мунньаҕын ыытта.

Саха сирин агропрофильнай хайысхалаах оскуолаларын холбоһуктарыгар 40-тан тахса уопсай үөрэх оскуолалара киирэллэр. Маннык хайысхалаах оскуолаларга оҕолорго оҕуруот аһын үүннэриигэ, сири туһаныыга, сүөһүнү иитиигэ сүрүн тустаах билиини биэрэллэр уонна тыа хаһаайыстыбатын ити салааларыгар үлэлиир үөрүйэхтээх буолалларыгар уһуйаллар.
Ону тэҥэ оскуолаларга тракторист уонна механизатор идэтигэр үөрэтэллэр. Агрооскуола бүгүн инновационнай үөрэх тэрилтэтинэн буолар. Маннык оскуола оҕолорго тыа сиригэр туһалаах идэни талыыга, онуоха наадалаах үөрүйэхтэри баһылыырга кыаҕы биэрэр. Российскай Федерацияҕа Учуутал сылын ыытыы чэрчитинэн, өрөспүүбүлүкэ агрооскуолаларыгар туох үлэ ыытыллыбытын туһунан үөрэх миниистирин солбуйааччыта Евдокия Никифорова уонна тыа хаһаайыстыбатын миниистирэ Степан Охлопков иһитиннэрдилэр. Мунньах кыттыылаахтара 2011-2012 сылларга агрооскуолалар сайдыыларын комплекснай былаанын дьүүллэстилэр. Александр Жирков мунньаҕы түмүктүүрүгэр өрөспүүбүлүкэ агрооскуолаларын сайдыытын Комплекснай былаана үбүнэн сөптөөхтүк хааччыллыбытын бэлиэтээн туран, ол үбү тыырыы тустаах бэрээдэгин олохтууру министиэристибэлэр болҕомтолоругар ылыналларыгар эттэ. Уонна бары оруннаах этиилэр учуоттаныахтара диэн эрэннэрдэ.
Ил Түмэн пресс-сулууспатын иһитиннэриитинэн.
Комментарии
Сообщение:
Отправить Отмена