Арассыыйатааҕы Биэнсийэ пуондата 20 сыллаах үбүлүөйүн бэлиэтиир.
Пуонда Саха сиринээҕи салаатын үлэһиттэрэ наҕараадаҕа тигистилэр: «Арассыыйатааҕы Биэнсийэ пуондатын бочуоттаах үлэһитэ» – Татьяна Иванова (СӨ ОПФР), Надежда Попова (Дьокуускай); «Арассыыйатааҕы Биэнсийэ пуондатын туйгуна» – Любовь Умматова (Хаҥалас), Светлана Маличенко (Аллараа Халыма), Иннокентий Матаннанов (Таатта).
ПФР Саха сиринээҕи салаатын үлэһиттэрин бэрэсидьиэн Егор Борисов эҕэрдэлээтэ. «Үлэһиттэр, бэтэрээннэр, инбэлииттэр, биэнсийэлээхтэр, кыаммат ыаллар кыһалҕаларын быһаарыы – ураты суолталаах. Биэнсийэ пуондатын Саха сиринээҕи салаатын сүрүн соруга – хас биирдии киһи туһугар кыһамньы, туох баар аныгы ньымалары туһанан кинилэр олохторун тупсарыы. Бу соругун пуонда чиэстээхтик толорор. Өрөспүүбүлүкэтээҕи биэнсийэ сулууспата хас биирдии киһи туһугар кыһаллар. СӨ ОПФР үлэтэ тупсан иһэрин иккис сылын Уһук Илиҥҥэ бастыҥ отделение аатын ылбыта туоһулуур», — диэн Аҕа баґылык эҕэрдэтигэр этиллэр.
Комментарии
Сообщение:
Отправить Отмена