Сунтаар улууһун баһылыга В.Тихонов Москубаҕа «АЛРОСА» АХ кэтиир Сүбэтин мунньаҕын кэмигэр Кириэстээх оскуолатын тутан саҕалыыр туһунан сөбүлэһии түһэристэ.
Оскуола 220 миэстэлээх буолуо. Бырайыакка 2,5 мөл. солк. көрүллүбүт. Ону улуус уонна АЛРОСА үбүлүүллэр. Этэҥҥэ буоллаҕына, аны икки сылынан үлэҕэ киириэҕэ дииллэр. Санаттахха, Саха сирин бастакы алмааһа 1949 с. Кириэстээххэ көстүбүтэ. Оскуола тутуута – алмаас бырамыысыланнаһын саҕалаабыт Кириэстээххэ Мииринэй улууһун бастакы дьоһуннаах көмөтө. Оскуола саҥа кэми кытары тэҥҥэ хардыылыыр. Бу күннэргэ манна Интэриниэккэ холбонор кыахтаах ноутбук-кылаас аһыллыахтаах.
Сунтаар улууһун Кириэстээх орто оскуолата төрүттэммитэ 110 сылын туолар. үбүлүөйдээх тэрээһиннэр ахсынньы 18-19 күннэригэр буолуохтара. Араас кэмҥэ үөрэммит, үлэлээбит дьону ыалдьыттата ыҥыраллар.
Комментарии
Сообщение:
Отправить Отмена