Погода

-6..-8°C

Ясно, без осадков

Ветер: вост 0 - 2 м/с

Давление: 745 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

Шоу табыллыбата… балыктан маттыбыт

Хоту улуустарбыт субуруһа таарыһа тэриллибиттэрин бэлиэтээн ырыа-тойук, үҥкүү-битии, отчуот-мунньах бөҕөтө буоллулар. Ааспыт нэдиэлэҕэ Булуҥ улууһа 80 сылын бэлиэтээн, киин куоракка бырааһынньыктаата. Кэрэ-бэлиэ күнү улахан, тыастаах ааттаах «Строганина – 2010» шоу-фестиваль түмүктүөхтээҕэ.

Инньэ гынан, өрөбүл күн Суорун Омоллоон аатынан театр иннигэр дьон-сэргэ муһунна. Кыһыммыт өр кэлэн биэрбэккэ турбутун, дьэ боруостатан, тэһэ биэрэн – 40-тан түспэт. Өрөбүл күн тымныытын үөһээ сытыы тыаллаах буолан, болуоссакка кэлбит дьон курдары үрдэрдилэр. Массыыналаах, хаххалаах дьон кэм иттинэр сирдээх буолан абыраннылар, туос сатыылар театрга киирэн иттэ түһээри холдьоҕулуннулар. Буолумуна, атын тэрээһиҥҥэ бэлэмнэнэ сылдьар дьон дьиэлэрин-уоттарын тоҕо тэбистэриэхтэрэй.

12.00 чаастан саҕаланыахтаах «шоубут» букатын тардыллан саҕаланна. Балык ылыам этэ диэн хаһаайыстыбаннай суумкалаах кэлбит куорат олохтоохторо, болуоссаты уһаты-туора мээрэйдээн биэрдилэр. Туһа суох. Тэрийээччилэр да көстүбэттэр, балык атыылааччылар даҕаны сыттара суох. Хата, күөх харахтаах лайка ыттары көрөн аралдьыйа сатаатылар. Аам-даам тымныыга, хайдахтаах да харахтаах ыт өр ириэрбэт...

Дьон бөһүйбүтүн кэннэ, дьэ саҕаланна… Ыытааччы дьахтар чуор, чөллөркөй куолаһанан (хоту дьон тымныыга үөрүйэхтэр буолуохтаах) эгэлгэ тыл этээччилэри билиһиннэртээн, киһи ымсыырыах, тириттэ-хорутта. Тыл этээччилэрбит, уһун-киэҥ тыыннаах барахсаттар, түмүк тылы Булуҥ туһугар «көтөхтөрдүлэр». Онтон 6-7 эбэҥки таҥастаах уолаттар, били дьикти харахтаах ыттар сыарҕаҕа «соһон» киллэрбит, куул аҥаара бытархай балыгы саха быһаҕынан күнү быһа мадьыктаан ыраастаатылар. Дьон босхону амсайыам этэ диэн төбүрүөннээн турда. Ол уолаттар иннилэригэр, «балык биэриэхпит суоҕа» диэн манчыыктаан дьону сээдьэлэттилэр. Сорохтор итийэн-кутуйан туран ис сүрэхтэриттэн кыһаллан туран үҥкүүлээтилэр. Оттон балык туһуттан өрөбүл күнүн бараабыт куорат сахалара, ирэ да таарыйа, булуҥнардыын үҥкүүлээн сэгэлдьистилэр. Сээдьэлиир үөрүйэҕэ суох барахсаттар, оһуохайдаан хаамыстылар.

Бастаан бачча тымныыга, хайдах сээдьэ тылын таһаарар буоллахтарай, диэн, этээччи куолаһын, күөмэйин аһыйа турбутум. Онтум «аныгы» сээдьэ эбит: тыастаах-уустаах, музыкалаах ырыаны фонограммаҕа холбоотулар.

«Балык, тыа хаһаайыстыбатын бородууктата атыыланар» диэн эрдэ улуус баһылыга Николай Шахурдин араадьыйаны-тэлэбиидэнньэни аймаабыта. Ол «атыыбыт-тутуубут» биир дьоҕус массыына багажнигын иһиттэн эрэ барда. Баҕар, тыа сиригэр алта киһилээх шоу-фестиваль дирибиэннээхтик-дарбааннаахтык ыытыллара буолуо эрээри, «столица» (шоуну ыытааччы дьахтар «киин куорат» диэн тылы букатын билбэт быһыылаах) олохтоохторо астымматыбыт.

«Булуҥҥа үс күн буурҕа, балыктаах сөмөлүөттэрбит кэлбэтилэр», -- диэн дьаһалта киһитэ сипсийэн ааста. Оттон сүүһүнэн састааптаах улуус салалтата бүттүүн манна «көһөн» кэлбитэ ыраатта. Буурҕа түһүөн быдан иннинэ. Шахурдин «дистанционнай баһылык» буолан, хоту дойдуга буурҕа түһэрин билбэт быһыылаах. Онтон атын эрдэ дьаһаныа хааллаҕа.

kyym.sakha.ru
30.11.2010 10:21 | оригинал статьи | просмотров: 24831

Комментарии


  • 10.177.172.5402.12.10 19:29 Автор: !

    Требуем повтора или распродажи рыбы по себестоимости: пурга давно закончилась.

 ↑ наверх
17.08.10
Хаҥалас спортсмена саамай ырааҕы ыстанна
17.08.10
Үөһээ Бүлүүлэр истэринэн моһуогурбуттар 1
17.08.10
Бэтэрээннэр дьиэ атыылаһалларыгар социальнай төлөбүр ыллылар
16.08.10
Намнар окко бастаан иһэллэр
16.08.10
Күһүн саҥа Боинг баар буолуо 1
16.08.10
Өлүөхүмэҕэ күөн көрсүһүү саҕаланна!
13.08.10
Күнүүлээн көтүрү барбыт 5
13.08.10
270 тэрилтэ 1,8 тыһыынча киһини үлэтиттэн уураппыт
13.08.10
Галина Данчикова Москваҕа командировкаҕа сылдьар 5
13.08.10
Сир аһа ырыынакка атыыланар 1
12.08.10
Булт саҥа сезона аһылынна
12.08.10
Хотугу Кавказка ОМОН этэрээтэ барда
12.08.10
Хорҕолдьун хостооһун сөргүйэр чинчилээх
12.08.10
Бүлүүлүүр аартык хаһан үлэҕэ киирэр?
11.08.10
Губернатордар сүбэлэрэ
11.08.10
280 млрд – медицинэ сайдарыгар
11.08.10
Горнай уонна Мэҥэ-Хаҥалас улуустарыгар уот барбыт
11.08.10
Пенсионнай салаа үлэһиттэрэ кырдьаҕастарга көмөлөстүлэр
11.08.10
Ньурбаҕа от үлэтин тэтимэ
10.08.10
Саҥа тойон ананна
10.08.10
Куорат ортотугар олорор дьиэ истиэнэтэ суулунна
10.08.10
Күрэхтэһии уота Өлүөхүмэҕэ кэллэ
10.08.10
Ойуур умайар, оттон лесхоз тойоно уоппускаҕа сынньана сытар…
10.08.10
Буруо да туһалаах эбит
09.08.10
Аҕа баһылык социальнай сулууспалар үлэлэрин кириитикэлээтэ 1
09.08.10
Куорат олохтооҕо кырыктаах 1
09.08.10
Бүлүүгэ от күрэҕэ буолан ааста
09.08.10
Сүүйсүүлээх оонньууну тэрийбитэ билиннэ
06.08.10
Индус "Аэрофлот" авиахампаанньатын ыстарааптаппыт 4
06.08.10
Үтүөлээх учуутал дьиэтигэр героин кистээбит 1
06.08.10
Тутааччы күнэ
06.08.10
Суолга сэрэхтээх буолуҥ 2
05.08.10
Отчуттары ардах атахтаата
05.08.10
Суол быраабылатыгар саҥа сокуон олоххо киирэр 4
05.08.10
Бүгүн эстафета Мииринэйтэн хоҥунна
05.08.10
Былаастан туох дьаһал киирэрин кэтэһэн таах олорбуттар
04.08.10
Амма – ыччат таптыыр сирэ 1
04.08.10
Болҕойуҥ: ийэ хапытаалынан туһаныы чэпчээтэ
04.08.10
Аар-саарга аатырбыт «АЙАРХААН» айана
04.08.10
ЗАБОЛЕВ эрэннэриитэ эмиэ туолбата, эбэтэр куорат баанньыгын бэрэсидьиэн быһаарар дуо? 2
Яндекс.Метрика