Сэтинньи 16 күнүгэр, Мииринэйгэ халлаан күнүс лаппа сылыйан, 0 кыраадыс, Иирэлээх үрэх нөҥүө – Үөhээ бөһүөлэккэ - 2 кыраадыс буолла. Бу кyн, Солуур үрүйэтин эргин тыаттан киирбит киhи, күнүс онно сэдэх хаардаах самыыр табыгыратан иhэн тохтоото диэн миэхэ төлөппүөннээтэ. Мииринэйгэ, киhи манныкка соhуйбат буолан турар.
2007 сыллаахха, муус устар ый ортотугар этиҥ ньиргитэн массыыналар сигнализацияларын ньыыгынатан турардаах. Ыаллыы Сунтаарга, былырыын, кыс ортото айан суолу кыйа көтөн тэлэкэчийэ сылдьар кус айан массыынатыгар кэтиллэн күндү күөс буолан турар. Алтынньы 26 күнүгэр тоҥо илик Бүлүү Эбэҕэ Сунтаар булчута улуну бултаата. Дьон, онон, айылҕа дьиибэ-дьээбэ көстүүлэригэр соhуйбат-өмүбэт буолан турар. Оттон Мииринэй куоратын иhигэр, уулуссаларга хаар ууллан, халтараан буолан массыыналаахтар айанныылларыгар күчүмэҕэй буолла. Маннык сылаас, сэтинньи ортотугар, кэнники сылларга буола илик.
Саха сирин арҕаа өттүгэр, дьэ, маннык эриэккэс күннээх-дьыллаах, айылҕалаах олоробут, Станислав Алексеев, Мииринэй куорат.
Комментарии
Сообщение:
Отправить Отмена
-
10.174.1.3418.11.10 09:08 Автор: УлэСит
-
10.34.24.3819.11.10 18:42 Автор: Барылла
↑ наверхУ нас в ВИЛЮЧАНЕ грят даже +3 градуса было. Это Сунтарский улус ближе к Мирному=))) Еще слышал шо МААР-КУЕЛЕ тож Сунтарский улус дождик шел=)))
Ирбэт тоц ирэн кыччаан кыhыммыт кылгаан эрдэ5э дии