Чэппиэргэ, алтынньы 28 күнүгэр, Саха Өрөспүүбүлүкэтин Судаарыстыбаннай Мунньаҕын (Ил Түмэн) сис кэмитиэттэрин бэрэссэдээтэллэрэ гражданнары кытары көрсүһэр баҕалаахтар.

Ил Түмэн бэрэссэдээтэлэ Виталий Басыгысов илии баттаабыт дьаһалынан, алтынньы 28 күнүгэр приему олохтоох бэйэни салайыныы боппуруостарыгар кэмитиэт бэрэссэдээтэлэ Дмитрий Горохов, бюджеккэ, үпкэ, түһээн уонна нолуок политикатыгар, бас билии уонна приватизация боппуруостарыгар кэмитиэт бэрэссэдээтэлэ Александр Уаров, экэниэмикэ, инвестиция уонна промышленность политикатыгар, урбааҥҥа уонна туризмҥа кэмитиэт бэрэссэдээтэлэ Петр Федоров, тутууга уонна дьиэ-уот-коммунальнай хаһаайыстыбаҕа кэмитиэт бэрэссэдээтэлэ Николай Костромин, доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга кэмитиэт бэрэссэдээтэлэ Елена Алексеева ыытыахтара.
Ил Түмэн атын сис кэмитиэттэрин бэрэссэдээтэллэрэ гражданнары сэтинньи 25 күнүгэр приемнуохтара.
Прием Ил Түмэн дьиэтигэр күнүс 15.00 чаастан 18.00 чааска диэри ыытыллар. Эрдэттэн 43-52-44 телефонунан эбэтэр Дьокуускай куорат, Ярославскай аатынан уулусса, 24/1, 116 кабинетыгар кэлэн суруйтарыаххытын сөп.
Ил Түмэн пресс-сулууспата.
kyym.sakha.ru
26.10.2010 10:57 | оригинал статьи | просмотров: 19830
Комментарии
Сообщение:
Отправить Отмена