Хас сыл аайы Арассыыйаҕа сэтинньи 10 күнүгэр милииссийэ күнэ бэлиэтэнэр этэ.

Онтубут бу сылтан суох буолуох курдук. Милииссийэбит полиция диэн ааттаннаҕына, сэтинньи 10 күнүгэр бырааһынньык аата Ис дьыала уорганын үлэһитин күнэ диэн ааттанар буолбут. 2011 сылга урукку «Милииссийэ туһунан» Сокуон оннугар «Полиция туһунан» Сокуон ылыллар. Полицияҕа милииссийэтээҕэр аҕыйах киһи үлэлиэ диэн сабаҕаланар. Ол оннугар үлэлэрэ-хамнастара биллэ улаатыа диэн бигэ эрэннэрэллэр. Полицияҕа үлэҕэ киирэр ирдэбил кытаатан уонна уустугуран биэриэ.

Үбүнэн хааччыйыы федеральнай бүддьүөттэн эрэ барыа. Милииссийэ аата уларыйарыгар, полицияны тэрийэргэ, быһа холоон, икки миллиард солкуобайтан тахса харчы ороскуоттаныа диэн суоттууллар.

kyym.sakha.ru
21.10.2010 12:39 | оригинал статьи | просмотров: 21698