«Сайылык туһунан» СӨ сокуонугар уларытыыны киллэрии» сокуон бырайыага Ил Түмэҥҥэ бастакы ааҕыыны ааста.

Бу этиини бырабыыталыстыба киллэрбитэ. Манна «сайылык» уонна «даача сирин учаастага» диэн тиэрминнэри сокуоннайдык, атыннык эттэххэ, биир суолтаҕа туттуу туһунан этиллэр. Бу туһунан «Саха өрөспүүбүлүкэтин сирин кодексын бырайыагын туһунан» диэн төгүрүк остуолга, олохтоох салайыныы да, өрөспүүбүлүкэ да таһымыгар араас мунньахтарга тыл көтөҕөн эппиттэрэ.

Сокуон бырайыагын ааптардара «сайылык» эбэтэр «сайылык хаһаайыстыбата» диэн өйдөбүллэри «бэйэ бас билэр көмө (подсобное) хаһаайыстыбата» уонна «даача сирин учаастага» диэн өйдөбүллэри кытары сокуонунан биир суолталаах оҥорорго этии киллэрэллэр.

Сокуон олоххо киирэр түгэнигэр, маннык сир учаастагын бас билэр өрөспүүбүлүкэ олохтоохторо - сүрүннээн тыа сирин дьоно - сайылык сирин бас билии докумуоннарын судургутук, эрэйэ суох, босхо оҥорторор кыахтаналлар. Маннык сокуон бырайыага олоххо киирэрэ буоллар, бэрт буолуо этэ. СИА матырыйаалынан.

kyym.sakha.ru
08.10.2010 16:06 | оригинал статьи | просмотров: 26135