Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

Былаан элбэх, харчы эрэ тиийбэт

Бүгүн, балаҕан ыйын 28 күнүгэр, «ГУП ЖКХ РС(Я)» саҥа генеральнай дириэктэрэ Александр Ноговицын бастакы пресс-конференциятын ыытта.

Кини бу дуоһунаска атырдьах ыйын 25 күнүттэн үлэлиир. Пресс-конференция сүрүн боппуруоһунан өрөспүүбүлүкэ улуустарын итиинэн уонна уматыгынан хааччыйыы буолла.

Чох 93%, хочуолунайдар туттар уматыктара 85%, газоконденсат – 100% аҕалыллыбыт.

Сыл аайы, буоларын курдук, сорох хотугу улуустарга, оттугунан хааччыйыыга хааччахтар, мэһэйдэр тахсыбыттар. «Биһигиттэн тутулуга суох биричиинэнэн, ол эбэтэр Дьааҥы өрүс уолан туруорбут сыалбытын сатаан толорботубут. Уопсайа сайын устата 16919 туона оттук Верхоянскай улууһугар таһылынна, мантыкабыт тохсунньу ыйга диэри тиийэр, онтон массыыналарынан таһыахпыт. Бу, биллэрин курдук, былааҥҥа киирбэтэх оросхуот, уопсайа 50 мөл. кэриҥэ буолара күүтүллэр» - диэн Александр Ноговицын быһаарда.

Өссө биир улахан түбүгү Үрүҥ Хайаттан Сааскылаахха сылдьар суос-соҕотох хараабыл чаардаан олорон хаалан таһаарбыт. Сааскылааҕы «Сахаэнерго» базатыттан уматык атыылаһан хааччыйар былааннаахтар эбит.

Тэрилтэ туһунан кылгастык кэпсээтэххэ маннык: 2010 сыл балаҕан ыйын көрдөрүүтүнэн, 11591 киһи, 1056 хочуолунай үлэлиир, быйыл эбии 18 хочуолунай үлэҕэ киирбит. Кэнники бэриэмэҕэ хамнас кыратыттан үлэһиттэр уурайан барыылара элбээбит. «Якутскэнергоҕа» хамнастара ортотунан 28 тыһыынча буоллаҕына, манна 14 тыһыынча эбит.

Кэнники бэриэмэҕэ бүтүн Арассыыйа үрдүнэн туох баар хаһаайыстыбаларга, тэрилтэлэргэ модернизация киллэриллэн эрэр. «ГУП ЖКХ» бу сүүрээнтэн эмиэ хаалсыбат эбит. Ол курдук былырыын Депутатскай дьиэлэрэ, тэрилтэлэрэ толору радиомодемнаах счетчиктарынан хааччыллыбыттар. Бу аата тугуй? Радиомодем билиҥҥи бэриэмэҕэ төһө уу-хаар, итии дьиэҕэ оросхуоттана турарын көрдөрөр эбит. Ол көрдөрүүтүн ЖКХ исписээлинэй киинигэр ыыта турар. Бу технология үлэлээн 2009 сыл түмүгүнэн Депутатскай ЖКХ-та 60 мөл. солк. кэмчилээбит.

Александр Александрович этэринэн, былаан билиҥҥи бэриэмэҕэ эппиэттиир: санаа, баҕа элбэх, ол эрээри үп көстүбэккэ үгүһэ олоххо киирбэккэ сытар. Түмүк тылыгар «былаан элбэх, харчы эрэ тиийбэт» диэтэ.

Николай Кычкин.

kyym.sakha.ru
28.09.2010 17:43 | оригинал статьи | просмотров: 24487

20.07.10
Виталий Басыгысов суруналыыстары кытта көрүстэ 1
20.07.10
Аныгыскы спортивнай оонньуулар ханна буолаллара сотору биллиэ 1
20.07.10
Дьон Кытайга сынньанара элбээтэ
20.07.10
Тулагы абааһыта тутууну буулаабыт 9
19.07.10
Бэтэрээннэр кыһалҕалара: уһун-синньигэс уочарат
19.07.10
Молдавияттан кэлэр арыгы бобуллуох курдук 1
19.07.10
Алдьархайтан да ас тахсар 4
19.07.10
Өссө төгүл пенсионнай сааһы үрдэтии туһунан 2
19.07.10
АЛРОСА ту´унан а´аҕастык
16.07.10
Муоста эбэтэр тоннель: хайата ордук табыгастаах буолуой?
16.07.10
Олохтоох салайыныыга утары турсуулар суох буолуохтаахтар
15.07.10
Айанньыт, суол иннинэ аах, туһан
15.07.10
Хотугу улуустарга таһаҕастаах борохуоттар бардылар
14.07.10
«АЛРОСА» хампаанньа туһунан аһаҕас кэпсэтиини «Кыым» хаһыакка ааҕыҥ!
14.07.10
Хороҕор муостаах элбээбит
14.07.10
Шлакоблок бырахпыт киһи көһүннэ
13.07.10
Сальмонеллез ыарыыта элбээбит
Яндекс.Метрика