Кэлэр сылтан ийэ хапытаала билиҥҥитээҕэр 22,3 тыһ. солк. элбиэҕэ. Бу туһунан бэҕэһээ, балаҕан ыйын 23 күнүгэр, Арассыыйа премьер-министрэ Владимир Путин бырабыыталыстыба мунньаҕар эттэ.
Онон 2011 сыл тохсунньу ыйыттан ийэ хапытаала 365,7 тыһ. солк. тэҥнэһиэҕэ. 2010 сыл тохсунньу 1 күнүттэн иккис оҕолорун төрөппүт ыалларга судаарыстыба 343,4 тыһ. солк. аныыр.Маны ааһан, оҕо төрөөтөҕүнэ көрүллэр пособие кээмэйэ үрдүүрэ күүтүллэр. Холобура, билигин 10,9 тыһ. солк. кээмэйдээх пособие кэлэр сылтан 11,7 тыһ. солк. диэри үрдүөҕэ.
Путин итини сэргэ 2011 сыл тохсунньу 1 күнүттэн пенсия кээмэйин, ортотунан 8 % үрдэтэн, 8,8 тыһ. солк. тириэрдэр былаан баарын туһунан эттэ. Пенсия кээмэйин үрдэтиигэ Арассыыйа бырабыыталыстыбата 4,7 трлн солк. тыырбыт. Дьиэ-уот программатыгар 207 млрд солк. көрүллүбүт. Чуолаан, байыаннай сулууспалаахтары дьиэнэн хааччыйыыга 88 млрд солк. туһаҕа тахсыаҕа. Ийэ хапытаала 2007 сылтан иккис оҕону төрөппүт эбэтэр иитиигэ ылбыт ыалга төлөнөр. Бу үбү ыал ипотека кредитин төлөөһүҥҥэ, дьиэ туттуутугар эбэтэр өрөмүөнүгэр туһанар бырааптаах.
Комментарии
Сообщение:
Отправить Отмена
-
10.160.34.23326.09.10 07:35 Автор: 007
-
10.177.40.12126.09.10 16:02 Автор: виталя
-
10.160.42.13405.10.10 13:57 Автор: том
↑ наверхИйэ хапытаалынан отечественнай производстволаах массыынаны ылыахха диэн боппуруос кото5уллээри сылдьар диэн кырдьык дуо?
я вас не понимаю((((((((((
бичихалар харса суох о5олонуу4уктар, и4эр харчы ту4угар.КАСТРИРОВАТЬ!