Балаҕан ыйын 19 күнүгэр чөл олоҕу түстүүр сылын аайы ыытыллар «Кросс Наций-2010» ыытылынна.

Улахан кросс үөрүүлээх арыйыыта «Юность» стадиоҥҥа буолла. Барыта холбоон 18 208 киһи сүүрдэ. Сүүрүүгэ оскуола үөрэнээччилэрэ, устудьуоннар, спортсменнар, спорт бэтэрээннэрэ, политиктар о.д.а. кытыннылар. Сүүрүүнү 2014 м. VIP-персоналар астылар. Манна вице-президент Дмитрий Глушко, бырабыыталыстыба, министиэристибэлэр уонна ведомстволар бэрэстэбиитэллэрэ кыттыыны ыллылар. Урукку сылларга тойотторбут субординацияны «бэркэ» диэн тутуһан сүүрэр эбит буоллахтарына, быйылгы сүүрүүгэ ким ордук кыахтаах түһүннэ.

Ордук Михаил Казаков, Михаил Гуляев, Владимир ТОРГОВКИН, Александр СОФРОНОВ чаҕылхайдык сүүрдүлэр. Куоракка үчүгэй халлаан туран биэрбит буолан, «Кросс наций» сүүрүүтүгэр дьон-сэргэ биллэ тоҕуоруста.

Арассыыйаҕа «Кросс наций» быйыл балаҕан ыйын 26 күнүгэр ыытыллар. Биһиэхэ, Саха сиригэр, Арассыыйа атын субъектарыттан, күһүҥҥү сылаас халлааны куоттарымаары, арыый эрдэ ыытылынна. Дойду үрдүнэн «Кросс наций» сүүрүүтүн РФ спортка уонна туризмҥа министерствота тэрийдэ. Саха сиригэр Госкомспорт иилээн-саҕалаан ыытта.

«Кросс наций» сүрүн сыалынан физическэй культуранан уонна спордунан дьарыктаныыны көҕүлээһин буолар.

kyym.sakha.ru
20.09.2010 16:40 | оригинал статьи | просмотров: 26627