Балаҕан ыйын 6 күнүттэн саҕалаан биир нэдиэлэ устатыгар Москубаҕа тустууга аан дойду чемпионата ыытыллар.

Онно Саха сириттэн алта тустуук кыттыыны ылар диэн эрдэ этэн тураллар. Виктор Лебедев саамай чэпчэки ыйааһыҥҥа – 55 киилэҕэ – Арассыыйа сүүмэрдэммит хамаандатыгар киирэн тустар. Александр Контоев 60 киилэҕэ Белоруссия хамаандатын аатыттан киирсиэхтээх этэ. Михаил Захаров, Иннокентий Иннокентьев, Айаал Лазарев – араас ыйааһыҥҥа Киргизия хамаандатыгар бааллар. Оттон Виталий Корякин Таджикистан сүүмэрдэммит хамаандатыгар баар диэн этэ.
Бүгүн Саха сирин көҥүл тустууга сүүмэрдэммит хамаандатын кылаабынай тренерэ Степан Сивцев эппитинэн, Москубаҕа ыытыллар аан дойду тустууга чемпионатыгар түөрт саха тустууга чопчу киирсэр буолбут. Иннокентий Иннокентьев уонна Александр Контоев кыайан чемпионакка кыттыбат буолбуттар. Иннокентий, хомойуох иһин, атын судаарыстыба хамаандатыгар киирбитинэн сибээстээн «карантинын» болдьоҕо ааһа илик эбит. Иккис тустуукпут - Александр Контоев ыалдьан туораабыт. Уруккуттан кутургуйа тахсан моһуоктуура бэргээбит. Оттон биһиги, Саха сирин олохтоохторо, тустуук уолаттарбытыгар кыайыы кынаттанан кэлэллэригэр баҕара хаалабыт.
kyym.sakha.ru
09.09.2010 11:18 | оригинал статьи | просмотров: 24982
Комментарии
Сообщение:
Отправить Отмена
Онтон Сэмэн Сэмэнэп уонна Испиридиэнэп?
Контоев туораабытыгар арыый атын биричиинэни ыйыахтарын, аата, эмтэммэт ыарыы буолла5ай, сурэ бэрт.