Арассыыйаҕа бэҕэһээ, балаҕан ыйын 2 күнүгэр, Иккис аан дойду Улуу сэриитэ түмүктэммит уонна Япония капитуляцияламмыт күнэ бэлиэтэннэ.

Дьокуускайга Кыайыы болуоссатыгар Кыайыыны уһансыбыттар пааматынньыктарыгар сибэкки дьөрбөтүн ууруу уонна Кыайыы Знамятын туттарыы үөрүүлээх церемонията буолла. Мустубут дьон биир мүнүүтэ сэрии кыттыылаахтарын кэриэстээтилэр, ол кэнниттэн геройдар сырдык ааттарыгар саанан ытыы буолла. Пааматынньыкка сибэкки дьөрбөтүн уурдулар. Үөрүүлээх церемонияҕа бырабыыталыстыба чилиэннэрэ, Ил Түмэн, Дьокуускай куорат мунньаҕын дьокутааттара, куорат дьаһалтатын бэрэстэбиитэллэрэ уонна общественность кыттыыны ыллылар. Президент Егор Борисов уонна СЈ бырабыыталыстыбатан аатыттан эҕэрдэ тылы іріспµµбµлµкэ вице-президенэ Дмитрий Глушко эттэ. Кини бэтэрээннэргэ Арассыыйа±а эрэ буолбакка, Сэбиэскэй Союз бары норуоттарыгар бэлэхтээбит Улуу Кыайыыларын иһин махталын биллэрдэ. Бу Кыайыы аан дойду сайдыы суолугар үктэнэригэр төһүү буолбутун бэлиэтээтэ. Үөрүүлээх тэрээһин Аҕа дойду сэриитин уордьанын 1 степенин кавалера Егор Николаев Ийэ дойдуну көмүскүүр уоттаах сэриигэ саха саллааттара дьоруойдуу быһыы холобурун көрдөрбүттэрин туһунан ахтыытынан түмүктэннэ.

kyym.sakha.ru
03.09.2010 15:20 | оригинал статьи | просмотров: 26600