Бүлүү Куораттааҕы Мунньаҕын сиэссийэтигэр куоракка баар Хомсомуоллар болуоссаттарын аатын «Албан аат болуоссата» диэн уларыттылар.

Мунньахха кыттыбыт 13 дьокутааттан 10-на «ааты уларытарга», 2 – «утарарга», 1 – «туттунабын» диэн куоластаатылар. Бу иннинэ буолбут Бүлүү куоратын хомуньуустарын мунньаҕар «Хомсомуоллар болуоссаттарын аатын уларытары утарабыт» диэн биир киһи курдук көхтөөхтүк куоластаабыттар уонна манна кыттыбыт Куорат Мунньаҕын биэс хомуньуус дьокутаатыгар «ааты уларытыыны көхтөөхтүк утараҕыт» диэн накаас бэриллибит. Ол эрээри, ол хомуньуус дьокутааттар сорохторо бэриллибит накааһы толорбокко сэмэлэннилэр, биир киһи баартыйатыттан уһулунна. Оттон куорат олохтоохторо уруккуттан сөбүлүүр болуоссаттарын аатын уларытарга оннук суһал туох кыһалҕа үөскээбитин билиҥҥэ диэри өйдөөбөккө олороллор. Оттон хомуньуустар салгыы киирсэр былааннаахтар.

kyym.sakha.ru
03.09.2010 13:34 | оригинал статьи | просмотров: 25153