Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

Булуҥ иккис тыына

Хоту дойду уолуйуон иһин, бүтэһик кэккэ икки күҥҥэ улахан ыалдьыттары көрсөр түбүк түрүлүөнүгэр түстэ. Төрүөт барыта Хотугу муустаах байҕал кытылыгар тутуллубут, омос көрдөххө киһи хараҕа улаханнык хатаммат, дьоҕус дьиэ аһыллыытыттан таҕыста. Тас бараана тугу да кэпсээбэтэҕин иһин, дьиэ «ис нуотарага» аан дойду таһымыгар улахан суолталаах – айылҕаны научнайдык чинчийэр обсерватория буолар.

Обсерватория тутуллуута өрөспүүбүлүкэҕэ, дойдуга улахан ситиһии буоларын ааһан, аан дойдуга барытыгар көдьүүстүүр ыстаансыйа үлэҕэ киирдэ. Путин Тиксиигэ кэлэн барбытын сарсыныгар, аны, Дьокуускайтан 40-ча киһилээх делегация Булуҥҥа көттө. Делегация састаабыгар Америка, Норвегия, Финляндия, Арассыыйа метеоролог-учуонайдара киирдилэр. Арыаллааччынан, көрсөөччүнэн олохтоох былаас бэрэстэбиитэллэрэ сырыттылар. Учуонайдар айаннарын сырдатарга аҕыс араас хаһыат, телевидение, араадьыйа суруналыыстара кытыннылар. Халлаан туран биэрдэ. Тиксиилэр: «Эһиги кэлиэххит иннинэ сүрдээх сытыы тыаллаах, ардахтаах-самыырдаах күннэр турбуттара», -- дииллэр. Булуҥ улууһугар тутуллубут гидрометеорологическай обсерватория Аляскаҕа, Канадаҕа, Гренландияҕа, Норвегияҕа, Финляндияҕа, Швецияҕа баар обсерваторияларга атылыы. Аан дойду учуонайдара холбоһон айылҕа уларыйыытын үөрэтэр санаалаахтар. Били этэр, циркумполярнай эргиири үөрэтэргэ, чинчийэргэ, чуолаан, Арассыыйа уһук хотугу сирэ эрэ таарыллыбакка турбутун учуонайдар этэллэр. Үгэс курдук саҥа дьиэ малааһына сахалыы алгыстан саҕаланна. Онтон бастакынан тылы правительство бэрэссэдээтэлин солбуйааччыта Айаал Степанов ылла. Айаал Иванович Росгидрометы кытары Саха сирин ситэриилээх былааһа сөбүлэҥ түһэрсэн мантан антах урукку метеостанциялары, постары сөргүтэр санаалаахтарын эттэ. Саҥа обсерватория 1932 сыллаахха аһыллыбыт «Полярка» станция баазатыгар тутуллубут. Манна араас биллиилээх учуонайдар, ол иһигэр герой Артур Чилингаров кытары үлэлээбит кэмнээх эбит. Росгидромет салайааччыта А.Фролов эмиэ «манна үлэлээн турардаахпын» диэн аҕынна. Хоту дойду дьоно тыыннаах сибэккинэн элбэхтик мааныламматах дьон. Үтүө, соһуччу бэлэҕи тойон Рассел Шнелл (АХШ климаты кэтээн көрөр, ырытар лаборатория дириэктэрэ) оҥордо. «Тиксии обсерваториятыгар маарынныыр аан бастакы обсерватория 1956 Гавайяҕа тутуллубута. Итии дойдуга олорор коллегаларгытыттан тыыннаах сибэккитэ тутуҥ!», -- диэн баран бэрт дьикти сибэккилэри дьоҥҥо түҥэттэ. Наҕараада, бэлэх-туһах түҥэтиллибитин кэннэ, обсерватория иһин көрөн-истэн баран, тойон Джон Хайс (Океан уонна салгын туругун чинчийэр национальнай управление дириэктэрэ) уонна Александр Фролов (Росгидромет) Америка уонна Арассыыйа учуонайдара бииргэ үлэлиир санаалаахтарын туоһулаан, обсерватория аһыллыбыт күнүн бэлиэтээн өйдөбүнньүк сурунаалга илии баттаатылар. Делегация субу күн Дьокуускайга этэҥҥэ эргиллэн кэллэ. Сарсын омуктар Москубаҕа көтүөхтээхтэр. Айан, сырыы туһунан сиһилии репортаһы «Кыым» хаһыат аныгыскы нүөмэригэр ааҕыаххытын сөп. Хаартыскалар "Кыым.ру" Фотогалерея салаатыгар тураллар.

kyym.sakha.ru
26.08.2010 15:40 | оригинал статьи | просмотров: 25831

31.03.11
Гражданнар былаас органнарыгар туһаайан этиилэрин көрүү бэрээдэгэр уларытыылар киириэхтэрэ
31.03.11
Балыксыттарга субсидия көрүллэр
31.03.11
Кытай тыйыс бириигэбэрэ 1
30.03.11
Эфиргэ Галина Данчикова
30.03.11
Муома улууһа «национальнай эбээн оройуона» статустаныан сөп
30.03.11
Чунуобунньук уонна тыа киһитэ: уопсай тыл хаһан көстүөй? 1
30.03.11
«Хаар айан-2011» күрэх кыайыылаахтара
29.03.11
Мииринэйгэ аҕалар күрэхтэһэллэр
29.03.11
Массыанньыктар утуйбаттар…
29.03.11
Чурапчыга саҥа стадион тутуллар
29.03.11
Өтөрүнэн буолбатах сылаас күн буолан ааспыт
28.03.11
Үрдүк таһымҥа тахсан иһиэхпит
28.03.11
Психологтар семинардара буолар
25.03.11
Сөмөлүөт Ижматтан көттө
25.03.11
Брейн-рингэ кыайыылаахтарыгар -- суотабай төлөппүөн
25.03.11
Дьокуускайга Байанай күннэрэ
25.03.11
Саамай элбэх сүөһүну уус алданнар эспиттэр… 3
24.03.11
Сааскы халаан уута чугаһыыр 1
24.03.11
Киин куорат суолун өрөмүөнүгэр үтүмэн үп көрүллүбүт
24.03.11
Дьон 1-2 хостоох квартираны ордорор эбит
24.03.11
Дьокуускай куорат уонна Горнай улууһа Сөбүлэһии түһэристилэр
23.03.11
Хомуспутун – Аан дойгуга дорҕоонноохтук, киэн тутта, дьоһуннаахтык 2
23.03.11
Наадалаах боппуруостар – туһалаах эппиэттэр
23.03.11
ХИФУ аһаҕас аан күннэрин ыытар
23.03.11
Бу өрөбүлгэ бириэмэбит уларыйар
22.03.11
Халаан уутугар бэлэмнэнии үлэ барар
22.03.11
Килиэп сыаната үрдүүр 7
22.03.11
Олох-дьаһах өҥөтүгэр үлэ миэстэтэ!
22.03.11
Психологтар семинардара
21.03.11
"Сахазернопродукт" — бастакы хараҥаччы
21.03.11
Иэстээх дьону дьиэлэриттэн таһаараллар 6
21.03.11
Дьокуускайга Горнай улууһун күннэрэ 1
21.03.11
Хомус туһунан саҥалыы, атыннык
18.03.11
Сүүйсүүлээх оонньуулары тэрийии иһин алта сыл хаайыы 1
18.03.11
Күндээдэ үлэһиттэригэр хамнастарын төлөөбөтөхтөр
18.03.11
Радиация Саха сиригэр кэлиэн сөп дуо? 9
18.03.11
Гааһы холботууга биир кэмнээх көмө
17.03.11
Эдэр ыччакка аналлаах үлэ дьаарбаҥката ыытыллар 1
17.03.11
Дьокуускайга Өймөкөөн улууһун күннэрэ
17.03.11
Оҕо доруобуйата тупсарын туhугар 1
Яндекс.Метрика