Бэйэтин аһын булуммат судаарыстыба – судаарыстыба буолбат. Иитэн-аһатан, таҥыннаран олорор стратегическай суолталаах экономика салаата – тыа хаһаайыстыбата. Дьэ, тыа сирин өрө тардаары эҥин араас программа ылылынна эрэ, ылыллыбата эрэ. Көдьүүстээбитэ быстар аҕыйах.
Дойдубут улахана бэрт. Айылҕата син сол курдук араастаһара улахан. Федеральнай былаас биир иэдээнэ – ону учуоттаабата буолар. Бары регионнарга биир халыып сокуону олохтоон, барыларын «биир тарааҕынан тарыы» сатыыр. Орто балаһаҕа, Краснодарга туһалыыр сокуон, быраабыла хоту тыйыс усулуобуйатыгар хайдах да сөп түбэспэт. Бэл, Сахабыт сирэ уһаты-туора биир улуустан иккис улууска диэри айылҕата араастаһара улахан.
Эһиилгиттэн саҕалаан федеральнай таһымҥа агропромышленнай комплексы сайыннарыыга саҥа программа ылыллаары турар. Науканы уонна сири холбуу сатаабыппыт быданнаата. Бу сырыыга эмиэ Медведев тыа сирин өрө тардар дьаһала наукаттан саҕаланна. Тыа хаһаайыстыбатынан дьарыктанар Арассыыйатааҕы академияҕа научнай чинчийиилэрин күөртээн үп тыырыахтаах.
2011 сыл, олунньу бастакы күнүгэр диэри, тустаах чунуобунньуктар, тыа хаһаайыстыбатыгар сыһыаннаах техниканы аныгылыы ирдэбилгэ эппиэттиир гына хайдах оҥоруохха, атыылыахха сөбүн толкуйдаан барыл бэлэмниэхтээхтэр. Ол техника тыа сирин үлэһиттэригэр тиийэр механизмын өссө тобулан биэриэхтээхтэр. Лизинг, субсидия, кредит салаатын өссө сайыннарар былааны бэлэмниэхтээхтэр.
Комментарии
Сообщение:
Отправить Отмена
-
213.129.58.21518.08.10 11:11 Автор: Тыа олохтоого
-
10.160.92.11019.08.10 19:22 Автор: укап
-
10.34.164.830.08.10 21:36 Автор: тыа эмээхсинэ
↑ наверхХаЧан наукабыт сайдыагар дылы сайдыыбыт мэлтуэ дии,тыа хаЧаайыстыбатын чунуобунньуктарын тэрдуттэн уларытыахха наада,сиэн аЧаан буттуннэр Егор Борисов эдэр ыччатка кыах биэр Эчиги санаагыт????
албыннаа да албынна буолаллар
Россельхозбанк кредитэ субсидиялаах диэн буолар да ус-туорт сыл устатгар биирдэ да кэлэн кордоро илик.