«Окно в Европу» диэн Выборга тэриллэр киинэ фестивалыгар саха артыыһа Михаил Скрябин сүрүн оруолга уһуллубут «Кочегар» киинэтэ анал бириискэ тигистэ.

Фестиваль сүрүн бирииһин -- «Кыһыл көмүс ладьяны» Станислав Говорухин "...В стиле JAZZ" лиэнтэтэ ылла. Иккис миэстэҕэ Роман Каримов "Неадекватные люди" киинэтэ тигистэ, ону сэргэ режиссер Дебютка гран-при бирииһи ылла. Үһс миэстэҕэ режиссер Григор ГЯРДУШАН "Тридцать седьмой роман" айымньыта таҕыста. Алексей Балабанов дьүүллүүр сүбэ анал бирииһин "идэтийии үрдүк таһыма» бирииһи ылла.
«Окно в Европу» фестиваль үс программанан үлэлээтэ: документальнай, оонньуулаах (игровой) уонна анимационнай киинэ. Саамай туйгун мультигынан "Поездка к морю" диэн Нина Бисярина устубут үлэтэ ааттанна.
Михаил Скрябин «кочегара» афганец, Сэбиэскэй сойуус геройа, оҕолору киллэрэн уоту көрдөрөрүн быыһыгар куһаҕан дьон туһунан кэпсиир. Куһаҕан дьон кини оһоҕор киирэн күл-көмөр буолаллар. Хачыгаар сири сидьиҥтэн ыраастыырын туһугар харчы бэлиэтинэн киртийбэтэх ыраас кумааҕынан төлөбүрүн ылар.
Михаил Скрябин геройа, биир тарбаҕынан тоҥсуйан бэчээттиир массыыҥкаҕа сахалары атаҕастыыр нуучча ороспуойун туһунан кэпсээн суруйар. Хам-хаадьаа киниэхэ кыыһа кэлэн барар.
Балабанов устар киинэлэригэр, куһаҕан, сидьиҥ бу уста турар олохпутугар туох да улахан дарбатыыта суох, буолуохтааҕын курдук киирэрин, көстөрүн ойуулуур үгэстээх. Бу да сырыыга «Кочегара» эмиэ ити киэлини тутуһар диэн кириитиктэр суруйаллар.
Биир кириитик Балабанов саҥа киинэтин үҥкүүгэ холообут. «Тэтимнээх, көрөөччүнү сылаппат» диэн кини быһаарар.
«Кочегар» быһах биитинэн сүрэх тэбэрин курдук диэн фестивальга сыаналанна.
kyym.sakha.ru
18.08.2010 08:55 | оригинал статьи | просмотров: 23881
Комментарии
Сообщение:
Отправить Отмена