От ыйын 25-30 күннэригэр Арассыыйа Нижегородскай уобалаһыгар баһаартан уон тоҕус киһи өллө. Уопсайа бу күннэргэ дойду үрдүнэн уоттан 40-ча киһи суорума суолланна.
Онон элбэх киһи өлбүтүнэн сибээстээн Арассыыйа Генпрокуратурата холуобунай дьыала тэрийдэ. 650 дьиэ уокка былдьанан умайан, ыаллар олорор дьиэтэ суох, хоруорбут оһохторун турбатын көрөн хааллылар. Олохтоох администрация тойотторо нэһилиэнньэни бириэмэтигэр сэрэппэтэхтэр, уоту тутатына умуруорарга сөптөөх дьаһаллары ылбатахтар. Үөһээ былаастартан туох дьаһал киирэрин өрө манаан олорон хаалбыттар. Дьону уоттан куоттарарга элбэх мэһэйдэр-таһайдар онтон сылтаан үөскээбиттэр.
Ол да буоллар Генпрокуратура тустаах ким буруйдааҕын, хайа тойон бартыбыала суох хааларын чуолкай этэ илик.
Комментарии
Сообщение:
Отправить Отмена