Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

Амма – ыччат таптыыр сирэ

Арааһа, Амма курдук элбэхтик ырыаҕа ылламмыт, хоһооҥҥо хоһуллубут сир суоҕа буолуо. Налыы хочо айылҕалаах, дьэҥкир уулаах Кыыс Амма көрүөхтэн кэрэ айылҕатыгар сайын аайы тыһыынчанан киһи талаһар. Олохтоохтор этэллэринэн, дьон-сэргэ, бүтэһик икки-үс сылларга олус элбэхтик тиэстэр буолбут.

-- Сайын, дьэдьэн үгэнигэр, ГИБДД поһунан күҥҥэ 600 массыына ааһыталыы сырытта – диэн, аммалар сөҕөн-махтайан кэпсииллэр. Ыалдьыттар, ыалдьыт сиэринэн, оту-маһы алдьаппакка, бөҕү-сыыһы ыскайдаабакка, сиэри-туому тутуһан сырыттахтарына, ким да кинилэри атыҥыраабат. Ол гынан баран, сорох дьон, били, күрүөтэ суох хаһааҕа киирбиттии, олус бардамнык айбардаан ааһаллар. Оннук быһыыланнахха, туох сирэ сир буолуо, туох кэрэтэ кэрэ буолуо үһү. Билигин муниципальнай тэриллиилэргэ улахан былаас бэриллэр, сирдэригэр-уоттарыгар бэйэлэрэ хаһаайыннар. Сайыҥҥы өттүгэр киин куораттан чугас сытар улуустар туризм салаатын улаханнык сайыннарыахтарын сөбө. Холобур, Амма биир мэҥэ хайата – Короленко хайата, бэйэтэ туспа, ураты историялаах сир. Хас да сыллааҕыта, манна, дьоҕус кемпиннэри туруоран дьону харчыга түһэрэн сынньата сылдьыбыттар. «Бөҕү-сыыһы хомуйар анал дьон баара, олус ыраас буолара», -- диэн дьон ахтар. Ол гынан баран тоҕо эрэ кэлин сынньалаҥнарын тохтоппуттар. Билигин улууска биирдиилээн дьон мотуордаах тыынан дьону таһан сынньаталлар. Степан Ефимов биир оннук дьарыктаах киһи, Амматын историятын олус сыныйан үөрэтэр, билэр эбит. Короленко хайатыгар туран: «Суруйааччы Чакыртан төрүттээх, саха дьахтарын таптаабыт. Манна кэлэн хайа сымыһаҕар кутаа оттор эбит. Оччоҕо анарааҥҥыта Чакыртан, атынан, өрүс уҥуор кэлэр. Короленко кэтэһэн туран тыынан туоратан манна аҕалар эбит», -- диэн кэпсиир. Номоххо киирбит Харама хайатын кыыһа «уол оҕоломмут» диэн этэллэр. «Күн тахсыыта илэ бааччы дьабакы бэргэһэлээх, сахалыы ытарҕалаах кыыс күлэн-мичийэн көстөр. Оттон күн саҕахха саһарыгар кыыс ытыыр дьүһүнэ ойууланар», -- диэн олохтоох предприниматель Варвара Неустроева кэпсиир. Дьүөгэлэрэ Инна Степанова, Саргылаана Ефимова: «Харама хайата ытык сир. Онно айдаарар, тыаһыыр-ууһуур сэттээх-сэлээннээх. Баҕа санааҕын этэн баран үс сыл субуруччу хайаҕа ыттыахтааххын, оччоҕо ыраламмытыҥ туолар», -- диэн кэпсээн силигин ситэрэн биэрэллэр. Сахабыт сирэ барахсан ханнык да бэйэлээх соҕуруу дойдуга тэҥнэммэт кэрэ, ураты көстүүлээх. Аныгы олоххо дьүөрэлээн, бас-баттах кэлии дьон тэпсилгэнэ оҥорбокко, көрөн-истэн, хомуйан-харайан, сайдыылаах уонна барыстаах туризм салаатыгар кубулутар сорук туруохтаах. Эгэ, эрэ, сыллата, ис туризмы сайыннарарга араас сокуоннар ылыллаллар. Сөбүн, үтүөтүн көрөн туһаныахха эрэ наада.

kyym.sakha.ru
04.08.2010 15:48 | оригинал статьи | просмотров: 26251

Комментарии


  • 213.129.38.21804.08.10 21:28 Автор: vova

    амма ынырык кырасыабай ( кусочек райа) туризымы сайыннарын:)))

 ↑ наверх
20.07.10
Виталий Басыгысов суруналыыстары кытта көрүстэ 1
20.07.10
Аныгыскы спортивнай оонньуулар ханна буолаллара сотору биллиэ 1
20.07.10
Дьон Кытайга сынньанара элбээтэ
20.07.10
Тулагы абааһыта тутууну буулаабыт 9
19.07.10
Бэтэрээннэр кыһалҕалара: уһун-синньигэс уочарат
19.07.10
Молдавияттан кэлэр арыгы бобуллуох курдук 1
19.07.10
Алдьархайтан да ас тахсар 4
19.07.10
Өссө төгүл пенсионнай сааһы үрдэтии туһунан 2
19.07.10
АЛРОСА ту´унан а´аҕастык
16.07.10
Муоста эбэтэр тоннель: хайата ордук табыгастаах буолуой?
16.07.10
Олохтоох салайыныыга утары турсуулар суох буолуохтаахтар
15.07.10
Айанньыт, суол иннинэ аах, туһан
15.07.10
Хотугу улуустарга таһаҕастаах борохуоттар бардылар
14.07.10
«АЛРОСА» хампаанньа туһунан аһаҕас кэпсэтиини «Кыым» хаһыакка ааҕыҥ!
14.07.10
Хороҕор муостаах элбээбит
14.07.10
Шлакоблок бырахпыт киһи көһүннэ
13.07.10
Сальмонеллез ыарыыта элбээбит
Яндекс.Метрика