Биһиги, куорат олохтоохторо, улахан кыһалҕабытын куорат дьаһалтатыгар тиэрдээри гынабыт. Бү өрөспүүбүлүкэбит киин куоратыгар бэйэтэ да, биир эрэ арыый киһи сылдьар, суунар Киин баанньыкпыт боппуруоһа быһаарыллыбакка, сир-халлаан икки ардыгар ыйанан хаалла.
Быһаас үһүс этээһэ умайан хаалан, сабыллан, билигин иккис эрэ этээскэ сууна сылдьабыт. Мээр Юрий ЗАБОЛЕВ сайын хапытаалынай өрөмүөҥҥэ харчы көрөн оҥотторуохпут диэн эрэннэрбитэ даҕаны, этэҥҥэ күһүҥҥэ үктэннибит. Ол тухары үһүс этээспит кур бэйэтэ кубулуйбакка, хоруо бараан дьүһүнэ уларыйбакка турар.
Телевизорынан, хаһыатынан куорат дьаһалтата норуот доруобай буоларын туһугар кыһаллар курдук этэр да, бу биир саамай дьон сылдьар баанньыга оҥоһуллубата өйдөммөт. Хас уулусса аайы «Дом Торговли» бөҕөтө аһыллар. Оттон харчы хаһан да «суох» аатырар. Онон бу кыһалҕаны өрөспүүбүлүкэбит саҥа Бэрэсидьиэнэ болҕомтоҕо ылан, быһаарылларын түргэтэтэригэр баҕарабыт. Бу баанньыкка куорат нэһилиэнньэтин улахан аҥаара сылдьар буолуохтаах.
Комментарии
Сообщение:
Отправить Отмена
-
10.177.96.2304.08.10 17:38 Автор: Суундьукку
-
91.185.234.19013.08.10 16:02 Автор: 1
↑ наверхСауналаан, бассейннаан, аhаан, керулээн, куулэйдээн кербут киhи бааньыкка барбат буолар эбит, ол иhин чэпчэки сыаналаах, ессе скидкалаах араас клиеннэрдээх, хара тазиктардаах, кыра хамнаска аата эрэ сууйбута буолар улэhиттэрдээх, кирдээх-сырааннаах баанньыкка санааларын уурбаттара буолуо
Иккис этээскэ суунар эбиккит батта, то5о уhускэ наадыйдыгыт?