Киһи истэн баран, ама дуу дии саныаҕа. Арассыыйа сүрүн баанын сыанатынан, үс мөлүйүөнтэн тахса суумалаах көмүһү Уус Ньараттан биир кэлии эр бэрдэ аҕалбыт.

Бэйэтэ кэпсииринэн, онно үлэҕэ киирэ бара сылдьыбыт. Үлэҕэ ылбатахтар, хата, ол оннугар онтон илии тутуурдаах, өттүк харалаах киһибит кэлбит. Бөһүөлэк иһиттэн уулуссаҕа көмүстээх пакет булан ылбыт. Пакет иһигэр баар көмүс син ботуччу ыйааһыннаах эбит - үс киилэттэн тахса. Уулуссаҕа ыһылла сытар көмүстээх остуоруйа дойдута эбит дуу, доҕоттоор, бу Уус Ньаралара… Таксинан көмүһүн кыбыммытынан Дьокуускай куоракка кэлбитин, тустаах сулууспалар харытыттан харбаабыттар. Билигин холуобунай дьыала тэрилиннэ. Оҥорбут буруйугар сокуон иннинэ эппиэт тутар буолуохтаах.

kyym.sakha.ru
03.08.2010 17:56 | оригинал статьи | просмотров: 25086