От ыйын 30 күнүгэр Дьокуускайдааҕы 28 нүөмэрдээх интернат-оскуола тулаайах иитиллээччилэригэр анаан оонньуур площадка аһылынна. Үөрүүлээх быҺыыны айылҕа харыстабылын министрин бастакы солбуйааччыта А. Добрянцев арыйда.
Тэрээһиҥҥэ оҕолор попечительскай сэбиэт чилиэннэригэр анаан кэнсиэрт көрдөрдүлэр. Интернат-оскуола попечительскай сэбиэтэ 2000 сыллаахха тэриллибитэ, салайааччытынан айылҕа харыстабылын министрэ талыллыбыта.
Сэбиэт састаабыгар ХЭТ «Хоту-Ас», ААО ЛК «Туймаада-Лизинг», «Хоту» профилакторий, Сбербаан Дьокуускайдааҕы филиала, Строительнай уокурук быраабатын курдук бөдөҥ тэрилтэлэр киирбиттэрэ. Кинилэр оскуолаҕа көмөлөрө муҥура суох.
Кэнсиэр кэнниттэн буолбут мунньахха оҕо дьиэтин дириэктэрэ Ирина Слепцова үөрэх хаачыстыбатын тупсарар, дорубуйаны бөҕөргөтөр уонна выпускниктары үлэ миэстэтинэн хааччыйар туһунан боппуруостары көтөхтө. Сэбиэт чилиэннэрэ туруоруллубут былааннар олоххо киирэллэригэр көмөлөһөр туҺунан эттилэр. Бу туһунан СИА кэпсиир.
Комментарии
Сообщение:
Отправить Отмена