Былырыын кулун тутар ыйга «Бочка» диэн пивной бар таһыгар тахсыбыт өлөрсүү дьон болҕомтотун улаханнык тардыбыта.

Кылгастык санаттахха, онно арыгыһыттар бэркэ диэн сөбүлээн мустар сирдэрэ этэ. Чугас олохтоохтору ити сир бэккэ диэн эрэйдээбитэ. Түүн аайы итириктэр хаһыылара-ыһыылара… Охсуһуу, этиһии күн аайы кэриэтэ буолара. Аны чугас турар дьиэлэр бары туалекка кубулуйбуттара. Хата, олохтоохтор тулуурдара туолан, кытаанахтык туруорсубуттара. Билигин ити айдааннаах сир сабыллан турар. Уодьуганнаах сир сабылла илигинэ, онно икки киһини быһахтаабыттара. Эдэр куорат олохтооҕо арыгы иһэ олорон онно этиспит. Этиһэн баран охсуһан барбыттар. Бүтэһигэр кыыллыйан быһаҕынан биир киһини көхсүгэ хаста да саайталаабыт. Оннук улахан эчэйиини ылбыт киһи өлбүт. Оттон атын киһитин түөһүгэр, ойоҕоһугар анньыбыт. Ол киһи улаханнык эмсэҕэлээбит. Суут куорат олохтооҕун буруйдааҕынан аахта уонна уон биир сыл хаайыыга уурда.

kyym.sakha.ru
29.07.2010 11:13 | оригинал статьи | просмотров: 25230