Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

«Миэхэ эрэниэҥ-дьиэҕиттэн матыаҥ»

Вера Ионовна (уларытылынна) икки улахан оҕотун кытары улуустан куоракка көһөн кэлбит. Баҕар чэпчэки дьиэ көстөөрөй диэн, ээр-сэмээр биллэриилэри көрө-үөрэтэ сылдьар. Биирдэ Октябрьскай уулуссанан баран иһэн, олус минньигэс тыллаах биллэриигэ хараҕа хатана түһэр. Тоҕо үчүгэйэй, киирэн билсиһиэххэ буоллаҕа дии!

Кабинет иһигэр Вера Ионовнаны -- «Недвижимость» дьокуускайдааҕы судаарыстыбаннай фонда президенэ, уопуттаах юрист (ону сэргэ хаста даҕаны ыарахан ыстатыйанан түөртэ хаайыыга олоро сылдьыбыт аньыылаах) Сергей Шитарев күлэн-мичилийэн көрсөр. Аламаҕай эр киһи чэпчэки сыанаҕа квартира булан биэриэх буолан эрэннэрэр. Аҕыйах сүүс тыһыынча тиийбэтин кэлин, уһатан ылыах буолар. Вера Ионовна эр киһи тылын итэҕэйэн көтүөн кыната эрэ суох. Өр-өтөр буолбат, Шитарев түлүпүөннүүр: «Дьиэ буллум кэлэн көрүҥ». Уонна Вера Ионовнаны Аппа Уҥуор түөлбэҕэ, Дежнев уулуссатыгар турар дьиэҕэ илдьэр. Квартира эргэ, өрөмүөнэ да суох буоллар, кыһалҕалаах киһи быһыытынан Вера Ионовна талымастаабат – сөбүлэһэр. Ол кэнниттэн докумуон оҥорсо бараллар. Вера Ионовна туох баар харчытын туура барытын Шитаревка ууран биэрэр. «Недвижимость» президенэ «ДОГОВОР НАЙМА ЖИЛОГО ПОМЕЩЕНИЯ с последующим выкупом» диэн докумуону оҥоро охсон илии баттатар. Юридическай үөрэҕэ суох Вера Ионовна докумуону улаханнык үөрэтэ барбат, кумааҕы аллараатыгар аатын-араспаанньатын эрилиннэри тардан кэбиһэр. Үөрүүлээх түгэни бастаан квартплата төлөммөккө турбута күлүктүүр. Вера Ионовна дьоһуннаах тойону Шитареву ол-бу арааһынан аралдьыппат курдук, саҥата-иҥэтэ суох төлөөн кэбиһэр. Икки оҕолоох соҕотох ийэ олоруохтаах ньээкэ уйаларын сууйан-сотон, өрөмүөннээн бараллар. Туох баар төлөбүр барыта кэмиттэн-кэмигэр төлөнөр. Иэс-күүс суохха дылы. Барыта этэҥҥэ эрээри, арай, квартираҕа пропискаламмакка сылдьаллара санааларын аймыан баҕарар. Вера Ионовна сэрэнэн-сэрэнэн ол туһунан Шитаревка быктарар. Сергей Иванович барытын быһаарыах буолан, дьон пааспарын тура тутан ылар. Кэм-кэрдии ааһар. Прописка да суох, пааспар да ньымаа… Ону ааһан коммунальнай төлөбүргэ саҥа «дьукаахтар» көстүтэлээн бараллар. Вера Ионовна урут төлүүрбэр бу дьон суох этилэр диэн мөккүһэр. Дьахтар тулуйа сатаан баран, Шитареву булар. Бу сырыыга аламаҕай бэйэлээх приезидент ууну омурдубут курдук көрсөр. Прописката суох пааспардарын төттөрү быраҕан биэрэр. Дьэ, өйө саҕарбыт дьахтар албыннаппытын билэн Регистрационнай палаатаҕа тэбинэр. Онно дьиэ учуокка суоҕун этэллэр. Ол аата кэтэх бас билии буолбатах, муниципальнай дьиэ буоларыгар тиийэр. Баай-дуол сыһыаннаһыытын департаменыгар Мигунов (дириэктэр солбуйааччыта) илии баттааһыннаах сурукка, Дьокуускай куорат фондатыгар дьиэ киирбэт диэн этиллэр. Ол гынан баран сотору соҕус биир Кондакова диэн дьахтар күөрэс гына түһэр. Уонна Вера Ионовнаҕа квартира хаһаайкатабын диэн докумуоннары көрдөрөр, эбиитин илиитигэр «Социальнай куортам дуогабарын» (Муниципальнай дьиэ салалтата биэрэр) тута сылдьар буолан тахсар. Квартира аҥаара Кондакова тастыҥ балтын аатыгар сурулла сылдьар эбит, иккиэн бу дьиэҕэ пропискалаахтар. Кэлин биллибитинэн, Кондакова риэлтер быһыытынан Шитаревка дьиэни атыылаа диэн тахса сылдьыбыт. Сергей Иванович квартираны бастаан приватизациялыахтаах эбит. Ону бара, өр толкуйдуу барбакка, Вера Ионовнаҕа «атыылаан» кэбиспит. Харчытын бэйэтин хармааныгар уктубут, уонна өссө ону таһынан ый аайы «иэстэрин» суотугар ыы сылдьыбыт. Дьэ, дьон суобаһа суоҕа сүрүн баҕаһын! Суут түмүгэ Вера Ионовна суукка үҥсүбүтүн түмүгэр, дьыала маннык эргийэн тахсар: «Дьиҥнээх хаһаайыттары – Кондаковалары (?!!) регистрацияттан устарга, квартира соҕотох хаһаайынынан Вера Ионовнаны билинэргэ, ол туһунан Регистрационнай палаатаҕа квартираны кини аатыгар регистрациялыырга…» Кондаковалар көрөн туран, аны, бас билэр квартираларыттан маталлар. Хайдах да эргиппит иһин дьахталлар эмсэҕэлииллэр. Оттон Шитарев ууттан кураанах тахсан быччаллан иһэр! Бу быһылаан кэнниттэн биир сыл ааспытын кэннэ, 2007 сылга, Вера Ионовна эмиэ мээрийэ ДИОтугар дьиэ ким балансатыгар турарын туоһулаһар сурук ыытар. Онно И.Б.Тресков илии баттааһыннаах хардаҕа, дьиэ 2003 (!) сылтан муниципальнай бас билиигэ баарын этэллэр. Дьэ, дьикти диэтэҕиҥ! Бастаан «суох» диэн баран, аны, «баар» буолан күөрэс гынар. Сүтэ-сүтэ көстөр туох эриэккэс дьиэтэй? P.S.: Шитарев Вера Ионовна харчытын сиэбитин билигин да төннөрө илик.

kyym.sakha.ru
28.07.2010 14:16 | оригинал статьи | просмотров: 26606

Комментарии


  • 213.129.52.5228.07.10 18:15 Автор: 123

    Бу саас Дзержинскэй уулуссатыгар икки бэрт боточчу сыаналаах массыыналар - Cadillac SRX уонна BMW Z3 - уокка былдьаммыттара. Интернет, хаhыат суруйарынан хаhаайыннарынан Ш-ев диэн юрист уонна кини кэргэнэ (чугас дьахтара) диэн этиллибит этэ. Ким умаппыта эбитэ буолла? Ба5ар Вера Ионовна курдук албыннаппыт дьон буолуо?

  • 10.174.14.16228.07.10 18:25 Автор: 111

    Шитарев албыннаабыт дьоно элбэх. Хас да дьыала5а эриллибитээрээри наар куотан иьэр. Ким да кыайбат тойоно быьыылаах. Массыыналарын да наьаа кыьыйбыт-абарбыт дьон умаппыттара буолуо. Суут-сокуон кыайбатын кэннэ бэйэлэрэ сууттаатахтара.

  • 213.129.33.20128.07.10 22:14 Автор: м

    дьэ оччо5о сэпкэ иэстэспиттэр эбит дии.

  • 10.160.34.23329.07.10 07:15 Автор: 007

    Суо4у,бэйэбит дойдубутугар инник албынната,дьаабылата сылдьабыт!!!

  • 217.118.64.3829.07.10 12:31 Автор: KHARALAAN

    Дьэ Китайга эбитэ буоллар истиэнэ5э туруораллар этэ ити Шитаревы. Ер маачайдаабакка ытан кбиьиэ этилэр

 ↑ наверх
09.12.10
Саха сиригэр барыта 950 тыһ. киһи олорор
09.12.10
Кинигэ сүрэхтэниэ
08.12.10
Саха сирин боксаҕа федерациятын президенэ талылынна
08.12.10
Сэбиэскэй Аармыйа уулуссатын урдустара
08.12.10
«Клипмейкер 2010» түмүгэ 8
08.12.10
Сөмөлүөт билиэтин сыаната: сиэрэ суох араас
07.12.10
Төрөппүттэр болҕомтолоругар
07.12.10
Саҥа дьыл иннинэ бэлэхтэ тут!
07.12.10
Сүүрбэ саастаах «АЛРОСА» субмарина
07.12.10
Фестивальга кытынныбыт, санаторийга сынньанныбыт
06.12.10
Бокска күрэхтэһии саҕаланна
06.12.10
Учууталларга саҥа дьиэлэр тутуллаллар
06.12.10
Сарсын инбэлииттэргэ үлэ дьаарбаҥката буолар
06.12.10
Харыйа уота тырымныы умайда 1
03.12.10
Сүрүн кыһалҕа – боломуочуйаны тыырыы уонна сир
03.12.10
ЛТП: наада дуу, суох дуу? 1
02.12.10
Оҕо иитэ ылар дьоҥҥо сүбэ 1
02.12.10
Уоруйахтары уодьуганныыр уолдьаста 2
02.12.10
Саха сиригэр барыта 950 тыһ. киһи олорор
01.12.10
СПИД ыарыытын утары акция ыытыллыа 3
01.12.10
Төрөппүт оҕотугар иэһэ 270 тыһыынча солкуобайга тиийбит 3
01.12.10
Саха киинэтэ сайдар суолун көрдүүр
30.11.10
Халабырдьыттар наһаалаабыттар 13
30.11.10
Эмсэҕэлээччи дуу, эмсэҕэлэнээччи дуу 1
30.11.10
Шоу табыллыбата… балыктан маттыбыт 1
26.11.10
Мииринэйгэ сунтаардар супермаркет астылар 6
24.11.10
Дьиикэй кыыл этэ сэрэхтээх 5
24.11.10
Контролер буолан кубулуммуттар 1
24.11.10
Дмитрий Горохов: Баһылык— ол аата эппиэтинэс уонна эбээһинэс 1
22.11.10
"Табык" бэстибээл буолар 6
22.11.10
Тоҕо сахалыы үөрэммэттэрий? 11
19.11.10
Баһылыктар сугулааннара 6
19.11.10
«Мисс Якутия-2010» кыайыылааҕар мөлүйүөн аҥаара! 6
19.11.10
Доруобуйа харыстабылыгар — 10 млрд. 3
18.11.10
Куһаҕан дьаллыктан аккаастаныаҕыҥ! 11
18.11.10
Саха сиригэр бэрик орто кээмэйэ 6 тыһ. солкуобай эбит
17.11.10
Мииринэйгэ 0 кыраадыс 2
17.11.10
Саха сирин ааттатыаххыт диэн эрэнэбин
16.11.10
Устудьуоннарга – биир форма таҥас? 29
16.11.10
Саха сирин улуустарыгар Олоҥхо күннэрэ ыытыллыахтара 4
Яндекс.Метрика