Францияҕа олорор биир дойдулаахпыт Григорий Васильевич Томский сылын аайы Саха сириттэн биир идэлээхтэрин Сабль-де-Олон куоракка ыҥыран норуоттар икки ардыларынааҕы оонньуу фестивалын ыытар.

Ол курдук кини үтүө үгэскэ кубулуйбут фестивалыгар кыттан сахалыы «Сонор» оонньуута аан дойдуга биллибитэ. Быйыл эмиэ ити үтүө үгэс кэһиллибэтэ. Саха сириттэн үөрэнээччилэр уонна учууталлар аан дойдутааҕы фестивалга ситиһиилээхтик кыттан кэллилэр. Өрөспүүбүлүкэ бары муннугуттан «Сонор» оонньуу кыайыылаахтара норуоттар икки ардыларынааҕы турнирга эмиэ иннилэрин биэрбэтилэр. Оттон учууталлар, бэйэлэрэ толкуйдаабыт, оҕону сайыннарар саҥа оонньууларын сүрэхтээтилэр, мастер-кылаастары көрдөрдүлэр.
Григорий Васильевич ыалдьыттарыгар Париж кэрэ көстүүлэрин – Эйфелевай башняны, Елисейскэй сыһыыны, Триумфальнай арканы, Улахан Лувру, Диснейлэнды уо.д.а. көрдөрдө. Учууталлар уонна оҕолор Парижка, Ригаҕа кэлэн-баран иһэн тохтоон араас дьикти миэстэлэри көрөн, сөҕөн-махтайан бары өттүнэн сайдан, дуоһуйа сынньанан кэллилэр.
Этэргэ дылы, уһук хоту олохтооҕо Францияны көрөн кэлэр туолбат баҕа санаата, сахалыы сайдам санаалаах дьоҥҥо мэһэй буолбатах эбит. Ити курдук, кыраныысса таһыгар олорор биир дойдулаахтарбыт, төрөөбүт Сахаларын сирин дьонун умнубакка аан дойдуга аатырда тураллар диэн ис сүрэхпититтэн үөрэбит.
kyym.sakha.ru
28.07.2010 14:15 | оригинал статьи | просмотров: 25846
Комментарии
Сообщение:
Отправить Отмена
мин хаьан эрэ сонордуур этим)ханна эмит уорэтэллэрэ буолуо дуу?атыыланар дуу?
дворец детства кружокбаар,Голиков Ал докторскайы комускээбитэ ити тема5а